Popular Bible Verses from Mateo 24

Share

Ico ububi bukafulisha, eico ne citemwiko cakutemwana cikacepa. Lelo uukashipikisha mpaka na ku mpela, eukapusuka.

Kabili iyi Mbila Nsuma ya Bufumu ikatala ikabilwa pano isonde ponse, pakuti ipeele bukambone bwakushinina abantu ba mishobo yonse, elyo no kupwa kwa calo kukesa.

Elyo mukalaumfwa inkondo ne ntulubundi sha nkondo, mwikasakamikwa. Ala ifi fintu fili nokucitika, lelo ukupwa kwa calo ninshi takulati.

Pantu umushobo umo ukemina umushobo ubiye, elyo ne mfumu imo ikemina imfumu ibiye. Kukaba ifipowe ne finkunkuma mu ncende ishalekana lekana. Ifi fyonse fikabafye e citendekelo ca macushi.

Umulu ne calo fikapita, lelo amashiwi yandi yena tayakapite iyoo.”

Pantu abengi bakesa balesosa abati, ‘Nine Kristu’ kabili bakabepa abengi.

Kabili bakamutwala ku bakumucusha no kumwipaya. Elyo ne mishobo yonse ikamupata pa mulandu wa ine. Elyo abengi bakasuula ku cisumino cabo. Abantu bakapatana no kulabepeshanya pakuposa umubiye. Elyo kukesa bakasesema babufi abengi, bakalabepaika abengi.

Yesu epakubasuka ati, “Mulecenjela, pakuti umuntu nangu umo ekamubepaika.

Eico na imwe kanshi muli nokuba abaiteyanya, pantu Umwana wa muntu akesa pa nshita mushenekele.

Kanshi mulelola, pantu tamwaishiba ubushiku Imfumu yenu ikeshilapo.

“Lelo tapaba uwaishiba ilyo ubo bushiku bukafika, nangu ni nshita ine. Bamalaika ba mu mulu tabaishiba, nangufye Umwana taishiba, kanofye Tata eka ewaishiba.

Pantu kukamoneka ba Kristu babufi na bakasesema babufi. Bakalacita ifishibilo ne finjelengwe, ifyakuti bengabepaikilako na basalwa bene nga cingacitika.

Kanshi nga filya cali mu nshiku shakwa Noa, efyo cikaba nelyo Umwana wa muntu akesa. Ilyo ilyeshi talilati lise, abantu balelya no kunwa balenwa, baleupa no kuupwa, mpaka no kufikafye ku bushiku Noa aingile mu cibwato. Abantu tabaenekele nelyo cimo mpaka ilyeshi lyaisa balofya bonse. Ifyo fine efyo cikaba na pa nshita ya kwisa kwa Mwana wa muntu.