Popular Bible Verses from Luka 7

Share

Eico nakweba ukuti, pantu natemwisha, calanga ukuti nabelelwa uluse ku fyabubifi fyakwe ifingi. Lelo uwabelelwa uluse pa finono, no kutemwa kwakwe kunono.” Elyo Yesu aeba umwanakashi ati, “Wabelelwa uluse ku fyabubifi fyobe.”

Elyo Yesu aeba umwanakashi ati, “Kabiye umutende, icisumino cobe ecakupususha.”

Awe aisa iminina lwa kunuma ku makasa yakwa Yesu, alalila. Ilyo alelila, ifilamba fyalaponena pa makasa yakwa Yesu. Elyo alakumuna ifilamba ku mishishi yakwe, alatomona pa makasa yakwa Yesu. Akonkomwenapo na mafuta ya cena cisuma, alamusuba.

Uyu wine e mulandu ulengele ukuti mfilwe ukuiishila ne mwine. Lelo sosafye ishiwi, no mubomfi wandi alapola. Pantu ine nalikwata abakalamba abanteeka, elyo na ine nalikwata ifita ifyo nteeka. Nga naeba umo nati, ‘Kabiye,’ nao aya. Nga naeba umbi nati, ‘Isa,’ nao aisa. Umusha wandi nga namweba nati, ‘Cita ici,’ awe acita.” Yesu ati omfwe ifi, asunguka. Elyo apilibukila kwibumba lilemukonka, alyeba ati, “Ndemweba nshatala nsanga icisumino ca musango ngoyu na mu bena Israeli bene!”

Kanshi pa nshita ine iyi Yesu aposha abantu abengi abalwele na balecushiwa ku ntenda shimbi na ku mipashi yakowela, aposha na bapofula abengi. Elyo Yesu ayasuka inkombe shakwa Yoani ati, “Bwelelenimo kuli Yoani, muye mushimikila fyonse ifyo mumwene nefyo mumfwile. Ala impofu shilemona, abalemana baleenda, abafibashi balepola, abakoma amatwi baleumfwa, abafwa balebuuka, na balanda balebabila Imbila Nsuma.