Popular Bible Verses from Luka 10

Share

Moneni, imwe nalimupeela amaka ayakunyanta pa nsoka na pali bakaliŋongo na yakwansha ubulamba bonse ubwa mulwani. Takuli ne cingamucita akabi nakalya.

Nomba Imfumu yamwasuka aiti, “Malita, Malita ee, ala ulepitana no kusakamikwa ne fintu ifingi. Lelo cintufye cimo ecilefwaikwa. Maria ena nasala iciwemepo. Kabili takwakabe uwakumupokolola.”

Nao ayasuka ati, “Uletemwa Imfumu Lesa obe no mutima obe onse, no mweo obe onse, na maka yobe yonse, na mano yobe yonse. Kabili uletemwa no mubiyo, ngefyo waitemwa we mwine.”

Yabeba aiti, “Ifyakulobolola fyena fingi, lelo ababomfi bakulobolola bena banono. Kanshi akulombeni umwine fisabo atume ababomfi na bambi abakumulobolwelako.

Nomba iwe pali aba batatu uo uletila e mubiye wa uyu muntu uwasanshilwe na bapupu nani? Nao ayasuka ati, “Ni uyo wamucitile uluse.” Yesu epakumweba ati, “Kabiye na iwe ulecita ifyo fine.”

Kabiyeni, namutuma nga bana ba mpaanga pakati ka mimbulu.