Popular Bible Verses from Yoani 5

Share

“Ndemweba icine cine, onse uumfwa amashiwi yandi, asumina na mu wantuma, eukwata umweo wape. Uyu ena tapingulwa, pantu alifuma ku mfwa, alisa ku mweo.

Cilya Yesu amona uyu muntu walwele, aishiba ukuti ni kale alwala, Yesu epakumwipusha ati, “Bushe ulefwaya ukupola?”

Mubelenga nganshi ifyalembwa mu Malembo Yamushilo, pantu imwe mutontonkanya ukuti emwaba umweo wape. Nomba aya yene Malembo Yamushilo yalandafye pali ine. Lelo imwe tamufwaya ukwisa kuli ine pakuti mukwate umweo.

Yesu amweba ati, “Ima, buula umusengele obe, akuya.” Apopene no muntu apola, abuula umusengele wakwe alaya. Kanshi uyu muntu aposhiwe pa bushiku bwe Sabata.

Yesu epakubasuka ati, “Ndemweba icine cine, Umwana kuti afilwa ukucita akantu, lelo acitafye ico amona Wishi alecita. Ico Wishi acita, eco na Mwane nao acitako.