Popular Bible Verses from Icitendekelo 42

Share

Balalanshanya abati, “Cine cine tulekandilwa pa mulandu wakwa munyinefwe. Twalimwene ifyo ali no bulanda ilyo aletupapata ukuti twimulofya, lelo ifwe tatwamumfwile nakalya. E mulandu wine ili shamo litwishile.”

Nomba Yosefu ewapeelwe amaka yakuteeka icalo conse ica Egupto. Kanshi ewaleshitisha iŋanu ku bena Egupto bonse. Awe bamunyina kwa Yosefu ilyo bafika, bamufukamina, bakontamina panshi.

Cilya Yosefu abamona, abeshiba apopene, lelo acita kwati tabeshibe iyoo. Abalansha bukali bukali, abepusha ati, “Bushe imwe mwafuma kwi?” Bamwasuka abati, “Twafuma ku calo ca Kenani, twaisa kukushita ifyakulya.”