Popular Bible Verses from Imilimo 9

Share

Imfumu yamweba aiti, “Ala akuyafye, pantu ine uyu muntu nimusala ukuba umubomfi wandi. Akalenga Abenafyalo ne mfumu sha Benafyalo, na bantu ba mu Israeli bene ukuti banjishibe.

Awe Saulo awa panshi. Aumfwa ne shiwi lilemweba aliti, “Saulo, Saulo ee, cinshi ico ulencushisha?” Saulo aipusha ati, “Niwe ani we Mfumu?” Ishiwi nalyo lyayasuka aliti, “Nine Yesu, nine ulecusha.

Anania epakwima, aya ingila na mu ŋanda. Atambalikila amaboko pali Saulo. Asosa ati, “Munyinane Saulo, Imfumu Yesu iyakumonekele mu nshila ilyo waleisa kuno, naintuma kuli iwe pakuti ulelolesha nakabili, elyo wisulemo na Mupashi Wamushilo.” Apopene mu menso yakwa Saulo mwalukuta ifintu ifyaba nga mamba. Awe atampa no kulalolesha nakabili. Elyo aima, no kubatishiwa abatishiwa.