Popular Bible Verses from San Lucas 17

Share

Jesúsne ussa kaizta: —Kuhs kit ɨri. Na kaizta aizpa nɨjkulta akwa, nune kakultɨt.

Mɨnpazha nua siete pijikima kwail kirɨtne, us puij kit nua ‘ap kwail kit aizpa min kit chɨhkamtus’ kiztane, nune paiña kwail kit aizpa wat kulnintawa.”

Wat parɨt nɨjkultawane, mazain usparuztas kail kit ka tɨnta kwianta: “Diosne kwisha wari.” Usne Jesúspa mittɨkin wakpuj wain kit kaizta: “Aishtaish.” An ampune Samaria sura uzta.

Uruzpain kwiraruin. Aimpihsh kwail kitne, ussa ‘kwail kimun,’ kiztain. Paiña kwail kirɨt aizpa maiztane, nune paiña kwail kirɨt aizpa wat kultawa.

Suasne Jesúsne mɨmara: —Diez aya pɨttɨt ishturuza kakulninnarau. ¿Mamaz nueve ampu mɨntama purai?

Anpatne kaiznara: —Dios kaizta aizpa nɨjkul kit kitpa. Pitchinmin nɨjkultane, une an katsa tɨra ka parashina: “Piltas puhsnin kit pi pɨnta wari.” Sun kaiztawane, an tɨne nu kaizta aizpa mɨshina.

Us akwa uzshimtumikane wan karɨnazi. Na akwa imtumikane uznazi.

Jesúsne paiña kammuruza kaiznara: “Mɨnpazha mamazta kwail kininanazi. Sunkana mamazta kwail kininmikane kwisha naiztɨnazi. Mamazta kwail kininmikane an watshimasa inna. Katsa kɨmu ukkasa tɨmpukin kuhtawane, awane ussa katsa ñam pira kiakpɨntawa, Dios pit we mɨmtumikasha kwail kimanpa.

Noé uzasmin, wan awane tɨrakukas kumirakas kuara. Ampukas ashampakas kasara kit kit uzara. Noé kanuara warawane, Diosne alu kinin kit pi pɨnninta, wan awa ianakima. Ampu namtɨtmika mamasa akane, awane sunkana uzanazi.