Popular Bible Verses from SAN JUAN 19

Share

To bairo na cá-áto tiere ca-etiñawĩ Jesú. Etiña yaparoʉ: —Nipetiro yʉ áti peocõa, meere, ca-ĩiwĩ Jesú. To bairo ĩi yaparo cʉ̃ rʉpoare roca yo, ca-bai yajicoami yua.

Jesú cʉ̃ pacore yʉre cʉ̃ ca-jʉgo ani rotiro bero, “Nipetirije Dio yʉre cʉ̃ cá-áti rotiriquere yʉ áti peocõawʉ,” ca-ĩi majiwĩ Jesú. To bairi Dio ye queti ucarica pũuropʉ ucarique to bairona baigaro ĩi, oco bairo ca-ĩiwĩ: —Yʉ oco etigacʉpʉ.

Jesú cʉ̃ pacore, yʉ seeto cʉ̃ ca-maii cõ tʉ yʉ ca-tʉjʉnucuro tʉjʉʉ oco bairo cõ ca-ĩiwĩ: —Caaco, ani mʉ macʉ ãmi. Cabero yʉre ca-ĩiwĩ: —Tona ãmo mʉ paco, ca-ĩiwĩ Jesú. Mʉ paco majuure bairona yʉ pacore cõ jʉgo ãaña ĩi, yʉ ca-ĩiwĩ. Cabero cõre yʉ ca-ne aápʉ yʉ ya wiipʉ, yʉ tʉpʉ cõ anicõato ĩi.

Jesú macare, meere, ca-bai yajiricʉpʉre ca-tʉjʉwã. To bairi cʉ̃ ñicaarire ca-pa pequẽma. Ca-bai yajiricʉ cʉ̃ ca-anibato quena jicãʉ polisía Jesú waruure cʉ̃ ãpoa bejuro mena ca-jarewĩ. To bairo cʉ̃ cá-áto rií, oco mena ca-butiwʉ.

Atie to bairo ca-baiwʉ Dio ye queti ucarica pũuripʉ tirʉmʉpʉ macana na ca-ucaricarore bairona. Oco bairo Jesú cʉ̃ ca-baipere ĩi ucarique ca-ãmʉ: “Cʉ̃ õwaa jicã õwaro uno pa pe ecooya manigaro.” Ape wame quena Dio ye queti oco bairo ĩi ucarique ca-ãmʉ: “Na ca-camiyericʉre tʉjʉ joogarãma.”

To bairo cʉ̃ ca-ĩiro cʉ̃ ca-necoama Jesúre yua. Cʉ̃rena yucʉ tẽorica pãire cʉ̃ ca-pʉja rotiwã. To bairi Jesú yucʉ tẽorica pãire ca-pʉja aámi rʉpoa coro buuro na ca-ĩiropʉ aácʉ. Hebreo ye mena Gólgota ca-wamecʉpʉ. Ti buuro camajocʉ rʉpoa ca-boa weerica corore bairo ca-bauwʉ. To bairi ti paʉre to bairo ca-wameyewã.

Cʉ̃ yarã polisía pota beto cʉ̃ rʉpoapʉre ca-peowã. To bairi jutiiro ca-jũabʉjariro ʉpaʉ cʉ̃ ca-jañari yeje unore cʉ̃ ca-jãawã Jesúre.