Popular Bible Verses from SAN JUAN 15

Share

’To bairi ʉje wʉre bairona ca-ãcʉ̃ yʉ ãa. Mʉja maca ca-rʉpʉrire bairo ca-ãna mʉja ãa. Ti wʉpʉre ca-rʉpʉri ca-ricacʉtore bairona caroare átinucuma yʉ mena macana ca-anicõa aninucurã. Yʉ mena mʉja ca-anicõa aniquẽpata caroare mʉja áti majiquetiborã.

Mʉja menapʉ yʉ ca-anicõa aninucurore bairona mʉja quena yʉ mena anicõa aninucuña. Ʉje wʉ ca-rʉpʉ jetona ricacʉti majiquẽe tie majuuna. Ca-rupa wʉpʉre ca-putirica rʉpʉ jeto ricacʉti maji. Ti rʉpʉ ca-bairore bairona yʉ menapʉ mʉja ca-aniquẽpata caroare mʉja áti majiquetiborã.

’Yʉ mena macana mʉja ca-anicõa aninucuata yʉ ca-buiorijere majiritiquẽnana Diore mʉja ca-boorijere cʉ̃ jeniya. Tiere mʉja ca-jeniro tiere mʉja átibojagʉmi Dio.

Mʉja majuuna, “Cʉ̃ mena macana jã anigarã,” yʉre mʉja ca-ĩiquẽpʉ. Yʉ maca, yʉ mena macana anigarãma ĩi, mʉjaare yʉ ca-bejewʉ. Capee caroare na áparo ĩi, mʉjaare yʉ ca-bejewʉ. Caroaro mʉja cá-átie to ca-petiquetiparore bairo ĩi, mʉjaare yʉ ca-bejewʉ. To bairi yʉ jʉgori, yʉ wame mena noo mʉja ca-boorije Diore mʉja ca-jeniro mʉja joogʉmi.

Jicãʉ cʉ̃ yarãre mai netori na bai yajibojaboʉmi. Ape wame mani yarãre mairica wame netoro ca-ani wame maa.

Yʉre ca-api nʉcʉbʉgonucurã ti wʉ rʉpʉrire bairona ãma. Ʉje wʉre ca-otericʉ ca-rica mani rʉpʉrire pajure reecõaʉmi. Ape rʉpʉri ca-ricacʉti rʉpʉri macare capee to rica cʉtinemoato ĩi pajure rʉgoboʉmi. To bairo cʉ̃ cá-átore bairona yʉre ca-api nʉcʉbʉgo quetinucurãre na reegʉmi Dio. Yʉre ca-api nʉcʉbʉgorã macare netobʉjaro caroare na áparo ĩi caroorije na cá-átinucurijere na reebojagʉmi Dio.

Yʉ ca-rotirije oco bairo ãa: Ame maiña, mʉjaare yʉ ca-mairore bairona.

Aperã camaja quena capee caroare mʉja cá-áto tʉjʉrã Diore api nʉcʉbʉgogarãma. “Cariapena Jesú yarã, Jesú cʉ̃ ca-buericarã ãma,” mʉja ĩi tʉjʉ majigarãma.

Jesú jãare buio majio, oco bairo ca-ĩiwĩ tunu: —Yʉ jicã wʉ ʉje wʉre bairona yʉ ãa. Yʉ Pacʉ ti wʉre ca-coteire bairo ca-ãcʉ̃ ãmi.

Yʉ mena ca-anicõa aninucuquẽna pajure reerica rʉpʉrire bairona ãma. Ti rʉpʉrire jee, peeropʉ joe reerique ãno. Tiere bairona yʉ mena macana ca-aniqueticõa aninucurãre na reegʉmi Dio peeropʉre yua.

’Tiere mʉjaare yʉ buio, yʉ ca-ani wariñuurore bairo na quena na ani wariñuato ĩi. To bairi mʉja ani wariñuu netogarã.

Yʉ Pacʉ cʉ̃ ca-rotirijere cá-ácʉ yʉ ca-ano yʉre maimi. Mʉja quena yʉ ca-rotirijere cá-áticõa aninucurã mʉja ca-ãmata yʉ ca-mairã mʉja anicõagarã.

Ame maiña mʉjaa. Ti wame ãa mʉjaare yʉ cá-áti rotiri wame.

Ati yepa macana yʉre ca-apiʉjaquẽna mʉja ca-ãmata na mena macanare nare na ca-mairore bairona mʉja maiborãma mʉja quenare. Mʉjaare yʉ ca-bejewʉ na mena ca-anibatanare. To bairi ati yepa macana majuu mee mʉja ãa. To bairi mʉjaare tʉjʉteema.