Popular Bible Verses from San Marcos 16

Share

Maimua ich Jesuu magjim anʉm amag: —Jãimua ereu phobaadewi Ẽwandamau õor peerdʉ aaujem iekta durrpierram magwe thumaam khʉʉnag jaaupetat ajim anʉm.

Chi mʉ iek thãraucha ʉkha nʉm khʉʉnau mʉchdeu aajerrjo, mua mʉch juapá deebarmua õor mor eem mepeerjã obeerpi jaaubaawai chadcha dau daau obeerpʉimajugui ajim anʉm. Magnaa ĩchab deeum meu ich meu khabamta ag nawe iekhaajerrjo iekhaju. Nemkhõr benen paraam gaai juau pʉrbaawai khaakhiinjã bʉ̃ʉrjã chig abaju. Õor thõojem pakher khãijã õrau dopipʉiwiajã bʉ̃ʉrjã chig abaju; mag nʉm dʉi ĩchab õor mor masim khʉʉn kõit Ẽwandamag jeeunaa am gaai juadamau pʉrbarmuapai monaaupʉimaju a jaaujim aajem. Mua pãrag mag nem waupi chirʉmʉn, mag pãachdeu wau nʉm gaaimua õraujã mʉ iekta pãrau jaau nʉm khap amkhĩraugui ajim aajem.

Chi mʉ iek ʉkhawi ich por choopi sim khʉ ʉu peerdʉju. Mamʉ chi mʉ iek jaau nʉm ũr simjã ʉkhaba sim chan Ẽwandamau i peerdʉ auba warag i isegpʉijugui ajim anʉm.

Magbaawai i khapeenau wetwi chadcha amachig jaautarrjo durrpierram magwe maach peerdʉajem iek õrag jaau wenʉrrajim aajem. Mag amau jaau wenʉrrʉmpierr ĩchab ich Jesuu am juag oojeejim anaabá, ag na õrau ooba aajem nempa amag waupi sim gaaimua. Magʉm gaaimuata õrau chadcha khaphʉ aajeejim aajem, amau i iekta jaau nʉm.]

Mag ʉʉin jãphierr phobaadem oowi chi woun khajũa bäpphä jũa sĩerrau amag, —Oob jãphierrmiet ajim anʉm. Mua khaphʉ chirʉm, pãrau Jesús Nazaretpierr ar pakuls gaai meerphe thõotarrta jʉr wenʉrrʉm. Pari i mʉig khaba sĩebahab ajim anʉm, ya iiu phiidʉwi petarr aawai. Pãade oobat i aukhertarr ee sĩi khãidu parii simgui ajim anʉm.

Mamʉ mag iyʉʉ wetmamua barimanaa ooimaawai, chi jẽbdi i ee mok por pom simua joothʉ sĩerr jũrr chawag pʉreupʉi thʉnʉm ooimajierram anaabá. Magbaawai warag ierr dubwi ooimaa, woun ãb ẽwanaa khitʉmta sĩi khajũa bäpphä khajũa bʉ etherr jũa simta mag jẽbdeg juachaar gar jup oo sim ooimajierram aajem. Amachdeu mag oobaawai warre jãphierr phobaadejim aajem.