Popular Bible Verses from San Marcos 14

Share

—Tata, pʉ ithee chan bʉ̃ʉrjã phithurm nem chukhum. Pua khõs chirʉm khai mʉ peerdʉ athá ajim anʉm, mʉ dau aphʉʉ aju nawe. Pʉrʉg mua jeeu chirʉm, mamʉ mʉchdeu khõsi chirʉmjo khaba pʉchdeu khõsimjota abá mʉ dʉi a jeeumajim aajem.

Sĩi jãg khãi nʉʉ aju khãai Ẽwandamagta jeeubat ajim anaabá, dosãtag ʉdʉʉr pãach thʉ aupim ugua. Mua oowai pãach odiiwan chadcha pãrau jeeum khõsi durrumta pari daphokgauta podba nʉmgui ajim anʉm.

Magnaa, Ĩs mua chadcha pãrag mag chirʉmgui ajim anʉm: Mʉg atag pawiajã durrpierr Ẽwandamau õor peerdʉ aaujem iek jaau wenʉrrʉm dʉi ĩchab mʉg ʉʉirau mʉ dʉi mʉgbarmjã jaaub khaba jaauju. Mag, ooba arr khʉʉnaujã ĩchab i iigjeejugui ajim anʉm.

Ich magbaadeewai ichdeu amag magjim anʉm: —Mʉʉn degolp gaai machgau okhĩirjuuga aadem; ãba mʉch thõjuuta khĩirju chirʉmgui ajim anʉm. Pãar mʉig nʉisit, mamʉ daukhana abat. Oob khãimiet ajim anʉm amag.

Maimua mag iyʉʉ thach kho nʉmua Jesuu pan jua ee auwia, Ẽwandamag ʉu ajim anaa khõreunaa amag ʉapʉinaa, —Mʉg pan khobat. Mʉ mʉ morougui ajim anʉm.

Maimua ich agjo jarrdamjã jua ee auwia, ag paar Ẽwandamag ʉu ajim anaa, deeu amag ʉapʉijim aajem. Magbaawai thumaam khʉʉnau ag eem dojierram aajem. Mag ʉapʉiwia ich Jesuupai magjim anʉm: —Jãg dobarmʉn mʉ bagau, warrgarwe Ẽwandamau õor dʉi iek deeju aajerr. Mamʉ mʉg iekhan iek iiuriugui ajim anʉm. Mʉg pãar ithee mʉ bag mʉg vinojo khitʉm ãrbarmuata Ẽwandamau, ĩsmua atagan chadau pãar peerdʉ wenʉrraju aai nʉm a jaau simgui ajim anʉm.

Mag wetwia mam pabaimaawai ich Jesuu amag magjim anʉm: —Nau pãach thumaam khʉʉnau mʉ mʉch appai barpʉaju. ¿Jãgwi mag chirʉ́? Ich warrgarwe Ẽwandam i jaaumienau Ẽwandam iek phã pʉarr gaai ich mag aju a sĩewaima. Mag amau phã pʉarr gaai jaauwai, Ẽwandamau ʉdʉraa chi nemchaain pap õrag thõopiju a sim, mʉ igwia. Mag mʉ thõopʉyaag pʉr athaawai pãar sĩi nemchaainjo parhoob pãach papjã khaugba, chawag aaidʉju a phã simgui ajim anʉm.

Phiidʉtkhabat, maimua maach khapeen aar wettarrau ajim anʉm. Mʉ oomapham khʉʉnag mʉ pʉr deeju wounan ya dakpa urumgui ajim anʉm.

Pedroou ichig magbaawai Jesuu irig, —Pʉ mag iekha chirab mamʉ, cha mʉ iekha chirʉm iekhau nau ãspajuag ãthãrr biek numí bĩeju nawe õrau pʉchig jeeubaawai pua biek thãrjup mʉ khaugba chitʉm ajugui ajim anʉm ichigcha.