Popular Bible Verses from ܒܪܝܬܐ 15

Share

ܘܗܘܼܡܸܢܹܗ ܐܲܒ݂ܪܵܡ ܒܡܵܪܝܵܐ، ܘܚܘܼܫܒܸܢܵܐ ܠܹܗ ܡܵܪܝܵܐ ܐܸܠܹܗ ܠܙܲܕܝܼܩܘܼܬܵܐ.

ܡ̣ܢ ܒܵܬ݇ܪ ܕܐܲܢܹܐ ܡܸܢܕܝܼܵܢܹ̈ܐ، ܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܐܲܒ݂ܪܵܡ ܒܚܸܙܘܵܐ، ܒܹܐܡܵܪܵܐ، ”ܠܵܐ ܙܵܕܥܹܬ ܐܲܒ݂ܪܵܡ، ܐܵܢܵܐ ܝܘܸܢ ܡܵܛܵܠܵܐ ܐܸܠܘܼܟ݂، ܘܦܘܼܪܥܵܢܘܼܟ݂ ܒܸܬ ܗܵܘܹܐ ܓܘܼܪܵܐ ܪܵܒܵܐ.“

ܘܦܘܼܠܸܛ ܠܹܗ ܐܸܠܹܗ ܠܒܲܕܲܪ ܘܐ݇ܡܝܼܪܹܗ، ”ܚܘܼܪ ܠܫܡܲܝܵܐ ܘܡܢܝܼ ܟܵܘܟ݂ܒܹ̈ܐ، ܐܸܢ ܡܵܨܹܝܬ ܠܸܡܢܵܝܲܝ.“ ܗ̇ܝܓܵܗ ܐ݇ܡܝܼܪܹܗ ܐܸܠܹܗ، ”ܗܲܕܟ݂ܵܐ ܒܸܬ ܗܵܘܹܐ ܙܲܪܥܘܼܟ݂.“

ܘܗܘܹܐ ܠܹܗ ܚܲܒܪܵܐ ܕܡܵܪܝܵܐ ܐܸܠܹܗ ܒܹܐܡܵܪܵܐ، ”ܐܵܗܵܐ ܠܹܐ ܝܵܪܹܬ ܐܸܠܘܼܟ݂، ܐܸܠܵܐ ܒܪܘܿܢܵܐ ܕܒܸܬ ܐܵܬܹܐ ܡ̣ܢ ܚܲܨܘܼܟ݂ ܒܸܬ ܗܵܘܹܐ ܝܵܪܘܿܬܵܐ ܐܸܠܘܼܟ݂.“

ܘܐ݇ܡܝܼܪܹܗ ܡܵܪܝܵܐ ܠܐܲܒ݂ܪܵܡ، ”ܗܘܝܼ ܚܲܬܝܼܬܵܐ، ܕܙܲܪܥܘܼܟ݂ ܒܸܬ ܗܵܘܝܼ ܡܵܫܵܚܲܛ ܒܐܲܪܥܵܐ ܕܠܹܐ ܝܠܵܗ̇ ܕܝܼܲܝܗܝ، ܘܒܸܬ ܗܵܘܝܼ ܥܲܒ݂ܕܹ̈ܐ ܘܒܸܬ ܦܵܝܫܝܼ ܡܘܼܠܝܸܨܹܐ ܐܲܪܒܲܥܡܵܐܐ ܫܸܢܹ̈ܐ؛

ܐ݇ܡܝܼܪܹܗ ܐܲܒ݂ܪܵܡ، ”ܝܵܐ ܡܵܪܝܵܐ ܐܲܠܵܗܵܐ، ܡܘܿܕܝܼ ܒܸܬ ܝܵܗ݇ܒܹܬ ܠܝܼ؟ ܙܲܪܥܵܐ ܠܲܝܬ ܠܝܼ، ܘܝܵܪܘܿܬܵܐ ܕܒܲܝܬܝܼ ܐܹܠܝܼܥܵܙܲܪ ܕܲܪܡܣܘܿܩܵܝܵܐ ܝܠܹܗ.

ܒܗ̇ܘ ܝܵܘܡܵܐ ܥܒ݂ܝܼܕ ܠܹܗ ܡܵܪܝܵܐ ܘܲܥܕܵܐ ܥܲܡ ܐܲܒ݂ܪܵܡ، ܒܹܐܡܵܪܵܐ، ”ܠܙܲܪܥܘܼܟ݂ ܝܘܼܗ݇ܒܸܠ ܠܝܼ ܐܵܗܵܐ ܐܲܪܥܵܐ، ܡ̣ܢ ܢܲܗܪܵܐ ܕܡܸܨܪܹܝܢ ܗܲܠ ܢܲܗܪܵܐ ܓܘܼܪܵܐ، ܢܲܗܪܵܐ ܕܦܪܵܬ

ܒܕܵܘܪܵܐ ܕܐܲܪܒܥܵܐ ܒܸܬ ܕܵܝܪܝܼ ܠܐܲܟ݂ܵܐ، ܣܵܒܵܒ ܥܵܘܠܵܐ ܕܐܵܡܘܿܪ̈ܵܝܹܐ ܗܹܫ ܠܹܐ ܝܠܹܗ ܚܬܝܼܡܵܐ.“