Popular Bible Verses from LU:KKC 3

Share

Cdcmpc appv: tani:ycm baptismo bingapnammc, odokkc Jisumcsin baptismo binamc odokkc kumna du:namc, taycng amo:tok yabgo moge:kang, odokkc Angunnc Yalodc Bvk tayc:do amvr-amo ka:begpc dc:yi:kang, pckv apirkoncmpc, odokkc taycng amo:tokkc gomugko lukang, “No ngok mc:bomsunam Awodc; nokkolo ngo airu:pc mc:lvgsudag.”

Jo:nbv bulu appv:dcm lubito, “Ngo nolum asilo baptismongcm bidung; cmpige:la ngom sc:kobv kvnggv:ya:dagnc cdc, sck panoti:lok rvbbcmsinci ngo sarbila:pcncpc arc kama:nc; Bv nolum Angunnc Yalodokki odokkc vmvkokki Baptismongcm biyc.

Asinc mc:dvrra mc:latsulangkula e:pcnam a:ycm e:toka, odokkc nolu av avyc lusurobyoka, ‘Ngolu:kkc Abrahambv ngoluk abbo dung’; kapila:nc ngo nolum lubidung Ru:ncpvncbv sc vlvngkvdv:sokkcm Abrahamkcpc ommangcm lenmola:dag.

Su:paksinci vsvngkvdv:dok appvrkvdv:do vgv:dcm tvgapla lc:tag; cdcmpidag ainc a:yc e:ma:nc vsvng appv:dcm tc:tapdag odokkc vmvlo cra:lvgdag.”

Lungorlunc Isaiangkc potindo cdcm adkamdcmpc, “Yumrangolo akonc jc:dung: Ru:tumkc lambcdcm mopu:toka, Bvk lambcdcm yvg cmmotoka. Appvng adi: anyidok pongkogcm owudmoyc, odokkc appvng adi:cmna: adji:nc adi:ycm etedmoyc, odokkc gc:nc lambc kvdv:dcm yvg cmmoyc, odokkc gvnying gvsonc lambckvdv:dcm gvpogvanmoyc; Odokkc appvng tani:ope:yc Ru:ncsa:nckc moturdcm ka:begyc.”