Popular Bible Verses from JO:N 6

Share

Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.

Cdc yalodc:mvn turnamcm bincdc, adindc oko arrcsin kamang; ngok noluk agom lunamkvdv:dc yallolang turnamc.

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

Jisubv bulum lubito, “Ru:ncpvnckc agerdc scmpcna, jc sc:kom Bv mclvgtagji nolu Bvm mc:jvgtoka.”

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

Simon Pitorbv bvm lubito, “Ru:tuma, ngolu sckkolopcn gvycn? Nokkc lo:dvscm turyarla turnamdcm binc gomugdc dung

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

Sc:kosin ngokkolo:pc gva:la:mang Abudc sc:ko ngom mclvgtagji bvm mc:bomola gva:moma:mvlo; odokkc bvm ngo du:tcr dungap longcdo turmoycku.

Kapcnc Ru:ncpvnckc donamdc taycng amo:tokkc oleddag, odokkc mo:pvscm turnamcm bidag.”

Noluk abukvdv:dc yumra:do mannangcm doka

Jisubv odokkc pita:dcm la:sa:to, odokkc Bv cdcm aipai bitonc, Bv cdc tedla du:nc kvdv:dcm orto; cdcmv:pc ongodcmsin, bulu cddvkoi kodagaji. Odokkc cdvlo bulu dotv:namko dotoji, Bvk agom tadjvgla gvmvnnc kvdv:dcm luto, “Orngo:la mcpaknam kvdv:dcm langkumsutok, adjiokosin onyokma:dopc.”

Bulu mail awum appi:ko ko:tobong, bulu Jisumc siycng asido lambc gvdopc odokkc buluk ollung kcra:do:pc gva:dopc ka:to. Bulu pcsokangai, cmpige:la Bv bulum luto, “Sc ngo:mvn; pcsoma:pcka.”