Popular Bible Verses from Revelesen 3

Share

Be unaute. Ayeu gavarkei nam avo gideb dume ane be gatal yem painge ge, be ginei amol ti niute ayeu avongg be nes nam avo ponge, atob ayeu nasov nale nambweg navin ei be atob eilu anen be anum nisov dongke anvin amei ate.

Ayeu gatpweng yem aim yaun be tis aim luev ebe ulgum be unei ok tepwengge are gikwai. Be ayeu gali gikwai ganei yem luvus me vavav-nangg aim ite ma. Ayeu tangg givin ve ganei yem unvang luvus me vavav-nangg aim. Bemem ma. Yem vavav-nangg aim siti-ngge, be vavav-nangg aim molge me luvus molge ite ma. Beti gilgum be ayeu ve naluk yem nangge avongg nile nitak.

Ayeu ginei tangg nivin amolmol subu, atob ayeu narau is be nas bing gwang-ne ge nitangi eisir veik inalgum gen vevie. Dang-etok be yem tangg aim nitung aim luev ete ulgum ulgum ok be unro aim ate vukir subu.

Ayeu gatpweng yem aim luev walang ok are gikwai. Be ta-undi e, ande ayeu gas nam avo ponge gikwai be amol ti gitangi ebe ve nes avut vukuri ok ite ma yapin. Ayeu gali gikwai ganei yem aim gwang-ne siti-ngge galkik giengk, bemem yem usov awangg yaun walang ok ane lu vie-ngge be os ayeu arengg ta ite ma.

Amol ti ginei nimbweg niwei Sadam ane gwang-ne, atob ayeu yab-ge be ei nimbweg nimbloblo awangg lopong yaun ane nivin ayeu, dang ebe warik ayeu gabweg gawei Sadam ane gwang-ne be Tamangg Pomate gigas ayeu gale gabweg gabloblo ei ane lopong yaun ane gavin ei ate ok.

Yem unei yaun gipil aim ate be unei: “Amei tis mone bamo be amei tis wambal bamo, be amei asut amei ate ve gen ti ane ite ma.” Bemem uyo aim ate. Yem umbweg tiate molge be gitangi ebe ve amolmol indi yem be tas viti ve aim ok. Yem gen ma molge ve aim be uvang weik ebe matanongg aim bop ok, yem uvang weik ebe uvang utlangg aim ulis vuwri sin sin-ge ok. Bemem yem ate utpweng etok are ite.

Yem usov awangg yaun ane lu vie molge, be uro aim ate ta be unggas gen bunam walang ok gitangi ge. Dang-etok be atob ayeu namb yem dabin vie-ngge, be gen bunam ete atob menihlang be nitpungi amolmol nalk ane tepwengge ok atob menihlang nipil yem ite ma.

Ayeu atob natangi yem nalek bwaya-gege, dang-etok be gen ret ret ete galkik yem omb ta nok unemb aim gen ta gwang-ne ge. Ve gilob amol ti nitlek ninggas yem aim gen ete omb ta ok ane ano.

Dang-etok be unamdil, be unsov be unyengk ge bwaya. Yem aim luev vevies subu ete galkik veve unkari nikwai nik, yem unemb aim gen ta vukuri be unalgum menihlang bamo ge ma. Ve luev bambamo ete galkik os aim gen uvang nik, ayeu gali ti gitangi ebe ve nipasang awangg Pomate matano ok ite ma molge.