Popular Bible Verses from Pilipai 1

Share

Ayeu gali dangetok ganei Pomate ges kulkul vie etenik vu nangge yem aplongg-aim, be atob niengk dangetok painge-ngge love Kilisi Yisu ninumul ninme sin-ge.

Ayeu gas miengk gitangi Pomate ve yem ane dangeteik; Ayeu gas miengk be gautani Pomate ve ganei nilgum yem aim tangg-aim givin be menihlang bamo ge tis as-mate walang ok be unatpweng Pomate ane yaun ano tepwengge are be undi luev gen walang ok ane vevie-ngge. Veik unatpweng gen ebe vevies ok arkare be nivin ebe Yisu Kilisi ve ninumul ninme ok, okob atob yem unambweg tis tangg-aim vevie-ngge be gen tiate ti wat niyaing yem ite ma.

Ve ayeu gali ganei ayeu gabweg matawangg gisov Kilisi, be ginei namat vunu atob nambweg vie-ngge.

As mate walang ok ayeu tangg gitung yem be ganei angg tangg-vie gitangi angg Pomate gigas ta ge.

Bemem ayeu tangg givin ve yem unes aim luev nitau nile ete Kilisi ane mateu ginei ok ge. Veik ginei ayeu nalek me nalek ite, okob naute binge ge ve yem aplongg-aim gisov dongke be uvarkei uvin aim ate be omb aim ate ru veik aplongg-aim nivin mateu.

Beti ayeu tangg vevie ge be gasge gen ebe gatpweng are roro ge ve asonge menihlang ok. Ayeu atob nanei yaun niengk nitip nitip ge be wat mai mayangg ve gen ti ane ite ma. Be gen ret ete warik ayeu galgum ok, ete atob nalgum nivin sawa etenik nivin weik etok ge, be gen ete ayeu ve nalgum ok dangeteik; Ayeu tangg givin ve utlangg ulis nilgum Kilisi are be menihlang bamo ge. Beti ginei ayeu nambweg matawangg me namat vunu, atob nilgum be Kilisi are menihlang bamo ge.

Ve Pomate geb luev ebe ve tanalgum Kilisi ane kulkul ok walang molge gitangi yem gikwai. Ei geb luev ebe ve aplongg-aim nivin Ei ane ok ge ite ma, Ei geb luev ebe ve un-gas bunam tis vavavne ve Ei ane kulkul ane ok gitangi yem givin.