Popular Bible Verses from Hibru 8

Share

Be atob ayeu aplongg bwaibwaya ve eisir be nasin eisir as tiate ebe ilgum ilgum ok nikwai, be wat tangg nitung eisir as tiate etok ane yaun vukuri ite.’ Amol Bamo ane avo ukwas etok.”

Beti Amol Bamo ginei vukuri be ginei: ‘Asonge sawa ti kob atob ayeu nambiti angg yaun ti vukuri navin amolmol Israel ane. Be yaun nok atob dangeteik; Atob ayeu natak angg yaun tepwengge nisov eisir dabas gwet nile, be atob naro bwalbwale niengk eisir aplos. Be atob natal eisir nanei angg amolmol-gen be eisir intal ayeu inei as Pomate.

Be eisir as amol ti gitangi ebe atob nimbul eisir, me ane nune-nggen subu be ninei; “Yem unatpweng Amol Bamo are ma!” Ok ite molge. Ve eisir tepwengge atob inatpweng ayeu are.

Bemem Pomate gili ebe ane amolmol-gen isov ei ane yaun mate ane, ane lu ite ok, beti Ei ginei dangeteik: “Amol Bamo ginei dangeteik: ‘Unaute kob. As mate ti atob ayeu nambiti yaun vaku ti vukuri navin amolmol Israel ane be tis eisir Juda.

Yaun bambamo ete galkik amei anei ok ane dabe dangeteik; Kilisi, Amol ebe geb kulkul da ane dangete galkik amei anei gimungg ok, ete eitit and Amol Bamo Ei. Be Ei gisov gulumb gile be gibweg giwei Amol Bamo gulumb ane, ane lopong gideb Pomate bage mol ane.