Popular Bible Verses from MATHAI 7

Share

“Kie lau, ningnui je pei bu lei, peu lau, ningnui ngau gu lei; gekeu lau, ningnui je lat kai bu lei.

Mi-mige de gekiebe kau â, ngau-ngau lei; zai gepeube kau je â dau-dau lei, zai kagekeube kau je â lat kai bu lei.

“Mi-mige de ai a sam ramme seu lu ze tewbe kau â, kaningchingbe kau, tingchudepiang peireige heki tewbe gum chang gu lei

Chidaze mâ-mâ leine ziemmename ne ningnui dage tew gai ra ningnui luneibe gum ze miramme peireige ningnui du chigum ze tew lau; aize hingde zai kemeume de lei.

Keringbe ge nguagaibe kemui â chei zai gut-hung dadege chize ngaudaume â cham-sang-cham lei.

“Kemuki cheibe gene gut lau; tew’nsiarabe ge nguagaibe kemui â di, zai gutsêu dadege chigene gutme â kiesang-kie lei.

Ningnui kesiame ’nsangdu ningnui name hangge mâ-keyibe pei ra chî dizai â ningnui Peu tinggîm ge bampeu pe dage gekieme je mâ-keyibe ramme misongga pei mak ta ra semei!

“Ki se lau, ningnui je peize ki mak ra hangge zeu. Ningnui ne kibe luigum ze ningnui je du ki dai gu lei; zai ningnui ka’ndeube luigum ze ningnui je ’ndeu dai gu lei.

Zai mi-mige de ai a sam ramme seu lu ze, tewmakbe kau â, kemiebe kau, deseî peireige heki tewgaibe gum ze chang gu lei

Zai ’ndaitew ze ning mik ge hîngloa bambe nang chî mak ze, ning sikina mik ge keramoîne bambe nang pie lau? Zai ’ndaigum ze ning sikina je, ‘Ning mik ge keramoîne I ne lutua ne che lei,’ ze nang acheuchi ra lau, ning mik ge hîngloa bam zeu?

“Kemeu karasame je ’ntîngchi le lau, chime â melichûp kai lu, ningnui dage wang-wang lei, kane penui lung ge â henei-ketabe ramme de lei. Penui je penui rachî gene ningnui chî gu lei, heturiebang gene grepchî rai’ndui-dui semei, makchai heturiebang gene ’mbeuchî rai’ndui-dui semei?

Chigum ze hingbang keyibe leine pechî keyibe ’nchikeu lei, zai hingbang kesiabe â pechî kesiabe ’nchipat lei.

Hingbang keyibe ne pechî kesiabe ’nchipatchi lak lei, zai hingbang kesiabe ne pechî keyibe ’nchipatchi lak lei.

Hingbang pechî keyibe ’nchipatmakbe leine ze â kuîkau lu, hemi ge tuâ gai nan tai lei.