Popular Bible Verses from MATHAI 5

Share

Mige de hemibung ’ntau lu ze, ’ntui lungge kai me lei, kane pebâm ge kai lei. Chidezai kilûng ge bamme leine hangge ba ze bam lei. Chigum ze ningnui kebabe ze ziemmename suage peize lerba bam lau, chidezai ningnui tâ-keyibe tewbe penui ne ngau lu ze, ningnui Peu tinggîm ge bambepeu ngeu-tew’ndi ra hangge zeu.

“Ningnui kedeirei kebabe lei. Peloa ge namdi bambe â tei’mbaichi lak lei.

“Helung ge ka’nchime yi de lei, Hera je penui ngau gu daseu.

“Kapelingbe je ’njeikahereime yi de lei, penui je kei’nggeu gai bu daseu.

Kane ningnui je I rang lei, ningnui teureime je hung lau, zai ningnui je tewsâme hangge kellum lau.

“Chi herui ge kelaksiame yi de lei, tinggîm heguangram ze penui gu daseu.

“Desieyi ra tewchime yi de lei, penui je Hera name ze kû gai bu daseu.

“Desui ze bamme yi de lei, penui je tum gai bu daseu.

“Kapelingbe hanggene tewsabe lieme yi de lei, tinggîm heguangram ze penui gu daseu.

“’Nggiachime yi de lei, ka’nggiabe penui ngau gu daseu!

“Ziemmename ne a ziegene ningnui je ’ngngiam, zai tewsâ zai karasa ne kesiabe leine ningnui peireige sa gai dezai ningnui hang yi de lei. Ningnui suiyi’nta ze ningnui suiyi-desang zu lau, tinggîm ge ningnui hî misongga la daseu, chigum ze ningnui suage kemeume je du ziemmename ne tewsa de lei.

“Kecheiluilungpungme yi de lei, kedei ze penui nguaheu gu daseu!

“Ningnui kedeirei ’nchaî lei; kane ’nchaî ne tâm dizai â, ’ndaigum ze tew’ngkum dai ra lau? Chize â tuâpat ze ziemmena ramme ne kutgetie ra de zangno, matâu hang ga de lei.

Chidaze ningnui Peu tinggîm ge bampeu yika’nsangbe gum ze ningnui du yi’nsang himchang ra lei.

Kane peize ning samsabe â, ‘Eu lei,’ nune ‘Mak lei,’ be runne lau; aipau peirei sapatbe â kesiapeu dagene pat lei.

“ ‘Hemik ne hemik, hegeu ne hegeu ra lei,’ kacheube ningnui seu de lei. Kane ningnui je I rang lei, ningnui je tew’nsiarabe kau je tingkang se lau, kane mi-mige ne ning biapi hezat’mbia kagepeibe kau je â, katlam ’mbia du ’ndualie be lau

Nang hezat’mbia mik ne ningchu hemui ra tew gai zai â kuitua ne lau, ning pum pelane gehenna ge tuâ gai ra sua â, ning pum taurâ kat gadibe ning hang kegiebe lei. Zai nang hezat’mbia ba ne ningchu hemui ra tew dizai â dângtua ne lau; ning pum pelane gehenna ge tuâ gai ra sua â, ning pum taurâ kat gadibe ning hang kegiebe lei.