Popular Bible Verses from MALAKI 3

Share

A ki ge hetak bam ra kereu ge kat kaibe teiwang’nsang gai lau; dezai achu chigene kedak le lau, Tinggîm leubaki ningnui hang lat kai lu ze, ’nnamgaibe ramme misongga ’nniâmba ze ningnui hang I ne ruîkeu gai mak ra zai aî, ze baudime gu Tingwang ne kacheu de lei.

Ningnui gu mâ-hîmra ramme mâkâupui ne teu’nsia mak ra I ne penui je ’ngngiam gai gu lei; dezai ningnui gu kedei gene herachi patbe deî’nsia ra mak lei, zai ningnui gu grepchî lu ge perachî ’nchi mak ta ra mak lei, ze baudime gu Tingwang ne kacheu de lei. Dezaine pezat leine ne ningnui je paukaregame ze kû gu lei, ningnui â keyibe heram chang du daseu, ze baudime gu Tingwang ne kacheu de lei.

“Penui â a gume chang gu lei, I tâtewliabe mai dezai a heu I hunglangbe chang gu lei, zai ziemmena hangkat ne pe na pe luntewchibe kau je ka’nzâ gum ze penui je I ’nzâ gu lei, ze baudime gu Tingwang ne kacheu de lei. Chidezai ziemmena ka’nzeime benai kesiame, zai Hera guâ ka’ngguame benai ’ngguamakme kakge gechâmbe ningnui ngaupat dai gu lei.

“Pie le lau, a suage ’mpuî teleu ra a gu hepâupaupeu je I lang gai lei, zai ningnui ne peubepeu Tingwang â pe gu kellumki ge luakatne wangkeu gai gu lei; ni pie le lau, samhatkaibe hepâupaupeu ningnui ’nchâlangpeu wangkeu mui de lei, ze baudime gu Tingwang ne kacheu de lei.