Popular Bible Verses from Ma‘ake 16

Share

Pea naʻe talaange kiate kinautolu, ‟Mou ō ‘o malanga ʻaki ʻa e Ongoongo Lelei̇́ ki he meʻafakatupu kotoa pē.

Pea ko e ngaahi me‘a fakaofo ʻeni kakai ‘e hoko kiate kinautolu ʻe tui kiate aú. Te nau kapusi tēvolo ʻaki hoku hingoá. Te nau lea ʻaki foki ha ngaahi lea kehekehe. Pea kapau te nau ala ki ha ngata, pē inu ha me‘akona, ‘e ‘ikai te nau mate ai. Te nau hilifaki honau nimá ki ha kau mahaki, pea ‘e mo‘ui leva ʻa e kakai ko iā.”

‘Ilonga ha taha ‘e tui̇́, pea papitaisó, ‘e fakamo‘ui ia. Peá ka ‘ilonga ha taha ‘e ‘ikai tui̇́, ‘e fakamalaʻiaʻi ia.

Ka na‘e ō atu ʻa e kau akó ‘o malanga ʻi he feitu‘u kotoa pē. Pea na‘e kaungāngāue fakataha mo kinautolu ʻa e ʻEiki̇́, ‘o naʻe fakamo‘oni‘i ʻenau malangá ʻaki ʻa e ngaahi mana na‘e hoko.

Ka naʻe lea mai ʻa e talavoú ki he kau fefiné, ‟‘Oua te mou manavahē! Ko ho‘omou omi̇́ ke kumi kia Si̇̄sū mei Nāsaleti̇́, ʻa ē na‘e tutuki ki he kolosi̇́, ‘oku ‘ikai ke ʻi heni ia, he kuó ne toetuʻu. Sio mai! Ko e feituʻu ē na‘e fakatokoto ai hono sinó.

Ka ʻi heʻenau hanga atu ki ai̇́, naʻa nau fakatokangaʻi tā kuo ‘osi teka‘i ʻa e maka tāpuni̇́ ia, he ko e fu‘u maka lahi ʻaupito. Pea ʻi he hūatu ʻa e kau fefiné ki he fonualotó, naʻa nau mamata ai ki ha talavou, ʻoku tangutu ʻi he tafaʻaki toʻomataʻú, kuó ne tui ha kofu hinehina tōtōlofa. Pea kamata leva ke nau manavahē.