Popular Bible Verses from Luke 8

Share

Ka ko e pulopula na‘e ngangana he kelekele lelei̇́, ko e kakai ia kuo nau fanongo ki he Folofolá, pea nau puke loto lelei ia mo loto maʻa, pea ko e meʻa ʻi heʻenau faʻa kātaki̇́, ʻoku fua lelei ʻa e Folofolá ʻi he‘enau mo‘ui̇́.

Pea ko e pulopula na‘e ngangana he pota vao talatalá, ko e kakai mo kinautolu kuo nau fanongo ki he Folofolá, ka koe‘uhi̇̄ ko e lahi ʻenau tokanga ki he koloá mo e ngaahi mālie ʻo māmani̇́, pea ko ia ai ʻoku ʻikai ke motuʻa honau fuá.

Ko e pulopula na‘e ngangana ki he kelekele makamaká, ko e kakai ia naʻa nau fanongo fiefia ki he Folofolá, pea nau tali, ka ko e meʻa ʻi he ʻikai ke aka loloto ʻi he‘enau mo‘ui̇́, ko ia ʻoku fuonounou pē ʻenau tui̇́ peá ka hokosia ha ʻahiʻahi pea ʻoku nau holomui leva.

Pea pehēange ‘e Si̇̄sū ki he kau akó: ‟Kuo hā ho‘omou tui̇́?” Pea naʻa nau manavahē ‘aupito mo ‘ohovale, ʻo nau pehē: ‟Ko hai nai ʻa e tangatá ni? He ʻoku fakaongo ʻa e tahi̇́ mo e matangi̇́ ki heʻene fekaú!”

Pea ko e pulopula na‘e ngangana he veʻehalá, ko e kakai ia kuo nau fanongo ki he Folofolá, pea ‘oku ha‘u ʻa e tēvoló ʻo fa‘ao ʻa e Folofolá mei honau lotó, naʻa faifai ka nau tui ki ai ʻo mo‘ui.

He ko e meʻa kotoa pē kuo fufuú, kuo pau ke hā. Pea ko e fakapulipuli kotoa pē, kuo pau ke ʻilo.

Pea ʻi he mahino ki he fefiné he‘ikai te ne lava ʻo fufuu‘i ʻa e meʻa naʻá ne fai̇́, naʻá ne haʻu tetetete ki muʻa ʻo tō tū‘ulutui atu kia Si̇̄sū, pea naʻe toki fakamatalaange kiate kinautolu kotoa ʻa e ‘uhinga ʻo ʻene ala kia Sīsuú, pea mo e mo‘ui fakafokifā ai hono alanga mahaki̇́. Pea pehēange ‘e Si̇̄sū ki ai: ‟Fefine, ko ho‘o tui̇́ kuó ke mo‘ui ai̇́. ʻAlu ʻo fiemālie ā!”

Pea feinga ʻa e kau akó ke fafangu ʻo Si̇̄sū mo nau kaikaila: ‟Tangata‘eiki! Tangata‘eiki! Te tau ‘auha!” Pea malanga hake ʻa Si̇̄sū ʻo fekau ʻa e matangi̇́ mo e tahi̇́ ke nonga. Pea na‘e tuku ai ʻa e hou ʻa e tahi̇́, ʻo tofu ʻa e meʻa kotoa.