Popular Bible Verses from Luke 3

Share

Pea ʻi he ‘osi kātoa ʻa e kakai̇́ hono papitaisó, pea kuo papitaiso foki mo Sīsū, pea lolotonga ʻa e kei fai ʻene lotu, naʻe mavaeua hake ʻa e langi̇́. Pea na‘e toki hifo mai kia Si̇̄sū ʻa e Laumālie Mā‘oni‘oni̇́, ʻi he fōtungá ʻo ha fo‘i lupe, pea ongo mai mo ha le‘o mei he langi̇́ ‘oku pehē: ‟Ko hoku Foha ‘ofa‘angá koe, pea ko ho‘o mo‘ui̇́, ‘oku hoa mo hoku finangaló.”

Kae talaange ‘e Sione kiate kinautolu: ‟Ko au ‘oku ou papitaiso kimoutolu ʻaki ʻa e vai, ka ‘oku ha‘u ha toko taha ‘oku mafai lahi ange ‘iate au, ʻa ia ‘oku ʻikai te u taau au ke vete hono senitoló. Ko e tokotaha ko iā, te ne papitaiso ‘e ia kimoutolu ʻaki ʻa e Laumālie Mā‘oni‘oní mo e afi.

Mou ngāue ke hā mahino ai kuo mou tafoki moʻoni mei hoʻomou angahalá! Pea vakai naʻa mou lau, Ko e hako kimautolu ia ʻo ʻĒpalahame, he ‘okú ou tala fakamātoato atu kiate kimoutolu, naʻa mo e ngaahi fo‘i maka ko eni̇́, ‘e lava noa ‘e he ‘Otuá ke fakatupu mei ai ha fānau ʻa ʻĒpalahame.

Kuo ‘osi hiki hake ʻa e toki̇́ ke tā ʻaki ʻa e ngaahi ʻakau mei hono tefitó, pea ‘ ʻilonga ha fu‘u ʻakau ‘oku ʻikai ke fua lelei̇́, ‘e tuʻusi hifo ʻo li̇̄ ki he afi̇́.”

ʻO hangē ko ia ʻoku hiki tohi ʻe he palōfita ko ʻAisea: ‟Ko ha leʻo ʻo ha toko taha ʻoku kalanga he toafá, ‛Mou teuteu ʻa e halá ke hā‘ele atu ai ʻa e ʻEiki̇́! Mou tanu ʻa e teleʻa kotoa pē. Pea holoki ʻa e moʻunga kotoa pē, mo e ngaahi tafungofungá, ʻo ʻai ke tokalelei. Fakahangatonu ʻa e ngaahi hala ‘oku pikopikó. Fakatokalelei ʻa e ngaahi hala ‘oku tokakovi̇́. Koeʻuhi̇̄ kae mamata ʻa e kakai kotoa ki he fakamo‘ui kuo fekau mai mei he ‘Otuá.’”