Popular Bible Verses from Sione 4

Share

Ko e ‘Otuá ko e Laumālie, pea ko kinautolu ʻoku lotu kiate iá, kuo pau ke fai ʻi he laumālié mo e moʻoní ʻenau lotuhuú.”

Ka ʻoku vave mai ha taimi, ʻa ʻeni kuo hokosia he taimi ni̇́, ʻa ia ko kinautolu ʻoku lotu moʻoni ki he Tamai̇́, ʻe fai ʻi laumālie mo moʻoni ʻenau lotú, he ʻoku kumi ʻe he Tamai̇́ foki ki he faʻahinga ʻe fai pehē ʻenau lotuhū kiate iá.

Ka ʻoka ai ha taha ‘e inu mei̇́ he vai te u ‘oange kiate iá, he‘ikai ke toe fieinua ia ‘o ta‘engata, ka ko e vai te u ʻoange maʻaná, ʻe hoko ia ‘i heʻene moʻui̇́, ko e matavai ʻe tafe mālohi maʻu pē ʻo aʻu ki he mo‘ui ta‘engatá.”

Pea tali ‘e Si̇̄sū, ʻo ne pehē kiate ia: ‟Kapau naʻá ke ‘ilo‘i ʻa e meʻaʻofa ʻa e ‘Otuá, pea mo e toko taha ‘oku lea atu kiate koe; ‟ʻOmi ha ku inú,” pehē kuó ke kole ‘e koe kiate ia, pea te ne ‘oatu ma‘au ha vai moʻui.”

Pea folofola ʻa Si̇̄sū kiate kinautolu: ‟Ko ‘eku me‘atokoni̇́, ko e fai ʻa e finangalo ‘o e Toko Taha naʻá ne fekau mai aú peá ke fakakakato ʻene ngaahi ngāué.

Pea pehē ange ʻe he fefiné kiate ia: ‟ʻEiki, ʻoku ʻikai haʻo meʻaʻutuvai, pea ʻoku loloto fau ʻa e vaitupú, ka ko hoʻo vai moʻui ʻaʻau mei fē?

Pea pehē ange ‘e he fefiné kiate ia: ‟‘Oku ou ‘ilo ‘oku hoko mai ʻa e Mi̇̄saiá, ʻa ē ‘oku ui ko e Kalaisi̇́; Pea ʻoka hokomai ʻa e Toko Taha ko iá, te ne toki fakahā kiate kimautolu ʻa e meʻa kotoa pē.” Pea folofola ʻa Si̇̄sū kiate ia: ‟Ko au ia, ʻa ʻeni ‘oku lolotonga talanoa mo koé.”

‟Mou ōmi angē ‘o mamata ki he tangata, ʻa ia kuó ne fakamatala mai kiate au, ʻa e kotoa ʻo e ngaahi meʻa kuo u fai̇́. ʻOku ʻikai nai ko e Mi̇̄saiá ʻeni?”