Popular Bible Verses from Sione 16

Share

Ko e ngaahi meʻá ni ʻoku ou tala kiate kimoutolu, koeʻuhi̇̄ ke mou maʻu ha nonga meiate au. ʻI he maama ko eni̇́, ʻe maʻu ʻe kimoutolu ha ngaahi mamahi lahi, ka neongo ia, mou fiefia pē, he kuo u ʻosi ikuna ‘e au ‘a māmani.”

Ka ʻoka hokomai ʻa e Toko Taha ko iā, ʻa e Laumālie ʻo e Moʻoni̇́, te ne tataki kimoutolu ki he mo‘oni hono kotoa pē. ‘E ‘ikai te ne lea ʻaki ‘e ia ha‘ane ngaahi me‘a ‘a‘ana pē, ka te ne leaʻaki atu pē, ʻa e ngaahi me‘a kuó ne fanongo ai, pea te ne fakahā atu foki kiate kimoutolu ʻa e ngaahi me‘a ‘e hoko ‘amui ange.

ʻOku aʻu pē ki he taimi̇́ ni, kuo te‘eki ke mou kole ha meʻa ʻi hoku hingoá. Kole pea ʻe foaki kiate kimoutolu koeʻuhi̇̄ ke kakato ai ho‘omou fiefiá.”

Ka ko e moʻoni̇́ pē ʻeni ʻoku ou leaʻaki kiate kimoutolú, ‘e lelei ange kiate kimoutolu ‘eku ‘alú. He kapau ‘e ‘ikai te u ʻalu, pea ʻe ʻikai ke ha‘u ʻa e Tokoniofi̇́ kiate kimoutolu, ka ʻoka u ka ‘alu, pea te u fekau mai ia kiate kimoutolu. Peá ka ha‘u leva ia, te ne lea ke fakahalaia ʻa e maama ko ʻeni̇́ koe‘uhi̇̄ ko e angahalá, mo e māʻoniʻoni̇́, pea mo e fakamaau ʻa e ‘Otuá.

Pehē pē mo kimoutolu, te mou loto mamahi he taimi̇́ ni, ka te tau toe fe‘iloaki pē, pea ‘e fonu homou lotó ʻi he fiefiá, pea he‘ikai toe lava ‘e ha taha ke toʻo meiate kimoutolu, ho‘omou fiefia ko iā. Peá ka hokosia ʻa e ʻaho ko iā, he‘ikai te mou toe fehuʻi mai ha me‘a. He ko hono moʻoni̇́ ʻeni ʻoku tala kiate kimoutolú, neongo pē ko e hā ha me‘a te mou kole ki he Tamai̇́, ‘i hoku hingoá, te ne ʻoatu ia kiate kimoutolu.

Ko hono moʻoni̇́ ʻeni ʻoku ou tala kiate kimoutolú, te mou tangi mo fakamamahi lolotonga iá, ʻoku fakafiefia ‘a māmani. Te mou fakamamahi kimoutolu, ka ʻe liliu hoʻomou mamahi̇́ ko e koto fiefia.