Popular Bible Verses from Lucas 10

Share

Ha'e gui peẽ kuery rombopo'aka mboi ha'e japeuxa re pepyrõ aguã, nhanderovaigua po'akaa ha'e javi re guive, pendere mba'eve rei oiko e'ỹ re.

Ha'e rã Senhor ombovai: — Marta, Marta, ndereguapyi rei ndepy'a eta reia rupi. Mbovy'i jajapo teĩ ha'eve va'e, ha'e rami e'ỹ vy peteĩ'i anho. Ha'e rã Maria ma oiporavo iporãve va'e. Ha'e ramo ha'e nunga ndoipe'aai 'rã ixugui.

Ava va'e ombovai: — “Reayvu 'rã Senhor Nderuete ndepy'a ha'e javi py, ndereko, nembaraetea ha'e ne'arandua ha'e javi py guive.” Ha'e “Reayvu 'rã neirũ kuery ndee ae rejeayvua rami” — he'i.

Ha'e kuery pe aipoe'i imondovy: — Mba'ety ma tuvixa, ha'e rã omba'eapo va'e kuery ma mbovy'i. Ha'e nunga rupi pejerure Senhor mba'ety ja pe ombou retave aguã imba'ety rupi omba'eapo va'erã.

— Ha'e va'e mboapy va'e regua, ndee reikuaa rã mava'e nda'u jojuka va'ety kuery po py oĩ vai va'ekue irũ oiko? Ha'e rã lei re nhombo'e va'ety ombovai: — Omboaxy va'ekue rima. Ha'e ramo Jesus aipoe'i ixupe: — Tereo ha'vy, ndee voi ha'ekue rami eiko.

Tapeo. Xee romondouka vexa'i rami aguara mbyte rupi.