Popular Bible Verses from PAWTDOHNA 7

Share

Tualeh Mangpa’n Mosi kungah, “En in Pharaoh a dingin Pasian in kahing bawlta a, na sanggampa Aaron pen na guolnei ahi ding hi.

Tualeh Pharaoh lungtang ka khausah dinga, Izipt gamah ka chiemtenate leh sil lamdangte ka pungsah ding hi. Hinanleh, Pharaoh in na thu angaikhe sih ding, tuachi’n Izipt tunga ka khut kangah theina ding leh gawtna thupitah toh Izipt apat ka galkap honte leh ka mi Israelte ka puidoh theina ding in.

Tualeh Izipt tunga ka khut ka hing zahkhiet a, alah ua kipat Israel tate kapuidoh chiengin, Izipt miten kei Mangpa ka hi chi hing thei va uh,” achi hi.

Tuabepin Pharaoh in zong, mipite leh dawithusiemte ahan a, tuachi’n Izipt gamsunga mitphiel dawisiem ten zong dawithu sam in tuabangin abawlta uhi. Amaun zong achieng chiet uh apai ua, gul ahing suoh ta uhi. Hinanleh Aaron chiengin amaute chieng aval tahi.

Mangpa’n tambangin agen hi, “Tamte ziehin kei Mangpa khu ka hi chi na thei ding, En in ka khuta ka tawi chiengin luituite ka saat dinga, sisan ahing suoh ding hi.

“Pharaoh in na kung ua, sillamdang hing bawl di uole achi chiengin Aaron kungah, Na chieng la inlen Pharaoh masangah paiin na chi dinga, tuakhu gul ahing suoh ding hi,” achi hi. Tualeh Mosi leh Aaron Pharaoh kungah ava pei ua. Mangpa’n thu apieh bangin ava bawlta uhi. Tuachi’n Aaron in achieng khu Pharaoh leh asuohte masangah apai a, tua khu gul ahing suohta hi.