Popular Bible Verses from LUK 8

Share

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

Fum khato dütkya tsaxtsangbu a; Zang Kax atatlaxle ngokyabu; ikoxlechu künthang mongdang üntoxle okop olwot tamchu chaxwannu mongmüi akhople hüilaxle hwom to alum, ilaxle hwom oziak otuechu mün ang chifa.

Long tüikya khato dütkya a; Zang Kax atatlaxle mongmüi tungle pongle kopkyabu. Ikoxlechu ija hwom mongto zule düt ang chikox; onox ma mongongle ngo laxle thwontsing hüikya zuma hwom dütle max.

Ifüima Jisu-e chix wangshembu ang thüi: Hünzom mongong oma maxün? Ikoxle hwom abüt aban le ngo, ilaxle tata füi zangwün: “Chix chemningkya mix hex? Chixe kax koxkoxle zangchei hia tichape ngaxchu chix kax ma laxle!”

Lomtang fole dütkyabu tsaxtsang a, chix kax atatkyabu hanpak changle; atat daokoxlechu mongong hia khosün füi atsaile naxngo ang hwom kün-mong tokya Zang Kaxho haxshix nguilaxle pale pao.

“Chempang pyenle thomtüipuix ibu pangnu ko to angaiüi, ilaxle akhünle thomkya pangnu ataküi üntoxle zangngai to alaiüi.

Ijama ija mixchae she atakdaoale awan, ilaxle she abün-ngale hüilaxle Jisu chitong ma akhux. Ikhama, noknu thünthoma she e chix to büthüikoxle lyetkya hex, üntoxle ifüi shemle she kak büle müipuix, she e chix hama apua. Jisu-e she ang thüi: “Kusa, nang mongonge nang amüidaoa, mongsom ma paolax.”

Wangshembu Jisu hato hüilaxle: “Nwotmix! Nwotmix! Kempi ziüi tüia!”, le nyakle azwot. Jisu zolaxle zangchei hia tichap ang dang angkya kax kox; ibu zakle kongkya ma huanuma dang.