Popular Bible Verses from PONGWANG LAIPEX 49

Share

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

“Jusep a shuasa kax ma ngokya fao mantsak tuita ningle, haxhua tokya fao mantsaksa tuita ningle. Chix zanpabue chix to za-adünle sing, hwom hap-sanbu füi chix achuale zik.

Ikoxlechu chix hapnu a shingmong lüwüi tüikya, ilaxle Israel nok long chunnyetpa tuita mün ma, Jakop Khüthak Zang chak füi, chix chak a tüle shingmongle tüikya. Nang to asunkya a hünpa Zang changle. Ija Khüthak Zang-e nang hato, ding tokya zangwat ajo, tamchu haxmong tokya tibu fuakle alai. Üntoxle tsom-pom hia su-sabu mohimanle pu-tsa ang tom.

“Judah, hüntüi-hünnao hwome nang to achuak-achenüi. Nange nang zanbu to dingkux ma fyetüi, nang tüita-naopa hwom nang chitong to akhuxüi. Judah a mailang tuita ningle, chixe sax ang müi langlaxle longlua to chatlaxle ozax tinle jiple ngo. Chix to pox ang owa mongchu chichongtsuak.

“Kusa tüichongpa Reuben, nang a ku janzüi changle; ku mixmüi ang changkya nao. Ku sasün hwom khakhama nang angamkya tamchu tsak-zongle tüikya mix. Nang a tinu tichap ningle, ikoxchu nang akhokya le chichang, chemthüikoxle nang a ku dacha füi jipkya mix changle; nange hünpa lya wün ahaidaoa.