Popular Bible Verses from LAIPAO 15

Share

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a JOWANPA, hünzom kaklak pangwüi amaüile fakya Zang changpu.”

JOWANPA a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

“JOWANPA, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

Nang tsaotsüt lailaile, nange paole azünkya khünaknu lom azüi; nangtsak-nangzong makhange nang otsao chaxwan to hwom lomzun.

Ifüima hwom Marah le nyakkya khato ngui, ikoxlechu ikhatokya ti tüle khaxkya khoma hwome chiling tsuak. Ile changkya khoma ikha ang Marah le nyak. Khünaknue Mosa ang kaxthup-ngaotünle atüi: “Kwome ti ang chem linglaxüi?” Mosa-e chingcha jule JOWANPA to zangjop. Ifüima JOWANPAe chix hato pün tuita aho. Ija pün chixe ti to awüt, ifüima ti a ling ang müile achang. Ikhato JOWANPAe hwom ang hwom ngo angkya wanlombu kox. Ibu wanlombu makhange JOWANPAe hwom to thwontsingle ano.