Popular Bible Verses from Mumkahten 5

Share

Um kurātö elvāng, unrēhĕn hökngen ngam ellōn re nö ka-eūyö ṙô nö ṙô-òv nö i kūö ngam Tēv, tön el halīöngö an ngam Tēv, el tumlat me-eṅ; lökten nup ṙô meh nö un pōyen.

Ṙòkhöre tarik tökē-ĕvkūö tö ngam Tēv tö kanôlò inlānen inrē kanô-òṅ inrē nö kumchikngen re nö in u, hökngen re inrē nö im lumnööṙö ò ngaich kôtökūö tö kunchikngen re im la-en ò, tī ngam Tēv an angū-ö raneushö.

Ngòh tö hāngenlōn tö rupīö öt tööḵngen min tö rupīö; öt rēhĕn anga-aṅ ngòh tö hāngenlōn tö kanôlò, nö taneūnguṙen: chanök alaha an angū-ö inrē.

Lak vanāngö re man yē meh chuh el patī ngam Tēv; öm ṙūötöre hangihtöre ĕhten an angū-ö tö tökētuvö tö tö kulō-ovö; pò cha nö öt akahalōn tö cha nö lā-evṙen tö tötlöök.

Yē meh chūökuṙô kilēḵngôre im Tēv, um ahāṅkenre kētö e; tön öt kuchiklōn an nö i tö kulō-ovö. Kētö öp tö chūöku man töm kinlēḵngô meh.

Ĕhten man öm öt chūökuṙô kilēḵngôre tö meh chūökuṙô kilēḵngôre ngaich öt kē-ĕti.

Kuchīkö mat ön ngòh tö lā-evṙen nö haṙòh, pôrò anga-aṅ nö pōivat; öt halöngtumat pöri nö haṙòh ngòh tökôlò tökūö yanāhakūö re.

Ngaich hē ò nö ṙā-ang el chūök kanūönö ök yöng re nö yih, hēk anga-aṅ min nö kiröönngöre, chumlal sā yanīhi ò, öt kūmuṙen min inrē tö halinten re, nup kahëkö ò öre nö eltī ò.