Popular Bible Verses from Mumkahten 2

Share

Pò ngam tarik mahaṙamlōn ò kētu mikah tö ngam Tēv, inkaha, ṙanāmölōn inrē; im tököölö fālen pöri kētö la-en ò anga-aṅ tö inmūlö infônghanga inrē, höng kē-ĕti nö in ò öp mahaṙamlōn ngam Tēv. Chanök alaha an angū-ö inrē kumlöön nö unôichrit ngam kuföt.

Öttö ĕhtenvö nö umuh in ngam tarik tö ngam töng nyinā-aṅ inôkö inrē, kanôtökūö inrē tö kumchikṙen re i nuk la-en re. Meuk ngih chin inrē, nö ṙamā-ang eltī ngam Tēv, Pòn yĕn öt aṅ in ò ngaich chīö tökô nö nyā-avkūö hēk chīö tökô nö kumchikngen re?

Ngëichkö nup la-en në kuntīre chū-ö nuk la-en chu inrē kinheūṅtngö ṙētak, ngaich yĕh meuk, ṙòkhöre nöng chanök alaha lā-al ngam kuföt inrē nö unôich, ngaich rö-ö nö taneunglenvö nö el katòh ngam tavūöi.

Nuk lōn në mat chu inrē öt lākiṙen anū-ö tö u; öt kētö ellōn re chū-ö i kumchiklōn, pò ngam ellōn chu nö kôtökūö tö kumchiklōn i nuk la-en chu, angū-ö an raneushö chu i nup la-en chu.

Meuk ngam mikah chū-ö ngaich nö löök tö kumlō-ovö sā hanātö nö löök tö sinngūlö.

Elkui re mat ön ngòh tökulō-ovö; ngaich sön chū-ö meuk tö cha nö ṙòkhöre nöng hēngö lökngövah.

Pòn hēkpi ngòh tarik ngòh tö lā-evṙen nö hol tö mikah, inkaha, huneū-en inrē nö ṙāngen u nö ip tarik öp töt la-evṙen tö e. Chanök alaha an angū-ö inrē tökiröng inrē nö tötlöök.