Popular Bible Verses from MATHI 5

Share

Khaiunia nou tson sunküta kim nou hanjeikü tsüwanji; lüko tson taiutsün nai taiuji; naiuso nungüh tsamai noinso apem hao awon kiuji. Asam chhi amei epsanao naiuso aün nai noitsün asam Po, nungsoüh ajinka-iao asamüh khaiunia nou khako aawon asungi!

“Asam goumchi thaiutha aawon, king nai noitsün noksong tsangkü wanao tsüshio.

“Mong yanthsüokü noinso thaiumei; tititenai ngüsoüh Goa eppe!

“Sauhaiüh Goa mongchiotsün chhiau yangji ngüso thaiumei; Goa nou ngüso mongtsam-i-e!

Lüko ngü lo asam tü ngioji: asam eh tü lütsüojin naiuso asam omhe-itsünso thaiutha misao lüsaokiu

“Onthso nai lukü noinso thaiumei; tititenai aün nokshing ngüso ün nou!

“Nokmei shantsünso thaiumei; tititenai ngüso tü Goa thoso ta jone!

“Sauhai miashap shapji ngüso thaiumei; Goa nou ngüso alu-i-e!

“Sauhai Goa mongchio chhitsün thako omhe-in ngüso thaiumei; tititenai aün nokshing ngüso ün nou!

“Tsüojinkü yangkiutsüno thaiumei; Goa nou ngüso tü tsüojine!

“Tilai khaiunia nou jü thaiutha asam lochi lotsao-e naiuso asam thako atsüotsüdekü nou chitekü angja-i-e, nungai asam thaiumei. Mongtsamkü lünoi naiuso thatü lümongling, tititenai aün nokai asam alesan asong khemtaim, asam khako noitsün E-po nousoüh nungti omhe-in!

“Shitsamhoi nouso thaiumei; Ngüsoüh Goa nou thaloutsün eppe!

“Asam goumchi jem, lüko jem da anya mowan naito, ti in nou nung nya-i-e? lotü nung tiao tsütheshi, lüko wanküta khaiunia hok nou ngamkeiao lu noin.”

Nungtiphe aün nai noi nou asam Po ahaopungkü noinli asam lüko ahaopungkü lünoi!

Loto ‘Ah’ tü nai ‘Ah’ ta lüthe, ‘Tsüde’ tü nai ‘Tsüde’ ta lüthe. Naiuso nungtü simkü tilüsong chite-e, nungto Angei Biya ainou sungji.

“Nung chitetsün asamüh lukü shin, ‘Niovei liko niovei, naiuso hou liko hou.’ Lüko ngü asam tü ngioji: ni ta tsümeikü chhitsünso tü phao lashan, lüko ni tü onthong uai batnai, onthong tsak ainou lüthoshi.

Nungtiphe aniovei uai nou ni angei sunlonai nung alowan; tititenai pem chikü inheeng nai thiowan nouko athaiutha oujei tsak mowan chenthso. Naiuso apha uai nou ni angei sunlonai nung lütapan, tititenai pem chikü inheeng nai thiowan noukoto athaiutha pha tsak mowan chenthso.