Popular Bible Verses from Romen 6

Share

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Annefe, pese pou nepli annan okenn kontrol lo zot, akoz zot pou nepli viv anba Lalwa, me anba lagras Bondye.

Alor, par nou batenm, nou'n ganny antere avek li dan son lanmor, pour ki, parey Kris in resisite par mazeste pwisan son Papa, nou osi, nou ava ganny en nouvo lavi.

Pa les pese servi bann diferan parti zot lekor koman bann lenstriman pour fer sa ki mal. O kontrer, met zot lekor dan servis Bondye, koman dimoun ki ti'n mor e ki'n resisite. Met zot lekor antye dan servis Bondye pour akonpli sa ki zis.

Konpran byen sa: Sa ki nou ti ete avan, in ganny krisifye avek Kris. Konmsa, nou lekor pese i ganny detri e nou nepli lesklav pese.

Se pour sa rezon ki zot osi, zot devre konsider zot koman mor pour pese, me vivan pour Bondye, ini avek Zezi-Kri.

Ki nou pou dir alor? Eski nou pou kontinyen viv dan pese pour ki lagras Bondye i ogmante? Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Zot konn tre byen: Si zot met zot anba servis en dimoun pour obeir li, zot vin lesklav sa met ki zot obeir. E sa met i swa pese ki anmenn lanmor, swa lobeisans ki anmenn lazistis.

Me annou remersye Bondye: Avan, zot ti lesklav pese. Aprezan, zot obei avek tou zot leker, sa lansennyman ki zot in resevwar. Zot in ganny libere avek pese e zot in met zot o servis sa ki zis.