Popular Bible Verses from Lik 14

Share

“Sa enn ki vin kot mwan, i devre prefer mwan plis ki son papa, son manman, son fanm ek son zanfan, son frer ek son ser, e menm son prop lavi. Otreman i pa kapab vin mon disip.

Sa enn ki pa port son lakrwa e swiv mwan, i pa kapab vin mon disip.

Annefe, sa enn ki monte, pou bezwen desann, e sa enn ki abes li menm, ava monte.”

Ensi, nenport parmi zot ki pa abandonn tou sa ki i annan, i pa kapab vin mon disip.”

Annefe, lekel parmi zot ki bezwen konstri en tour, ki pa asize dabor pour estimen konbyen i pou koute, e war si i annan ase larzan pour fini sa travay? Otreman, si apre ki i'n poz fondasyon, i pa kapab fini son konstriksyon, tou dimoun ki war sa, pou riy li. Zot pou dir: Sa zonm in konmans konstri, me i pa'n kapab fini.

Me kan ou fer en festen, envit bann pov, bann envalid, bann ki bwete ek bann aveg. Alor, ou ava ere, akoz zot, zot pa kapab rekonpans ou. Annefe, ou ava ganny ou rekonpans zour rezireksyon bann zis.”

“Disel i bon, me disel ki'n perdi son gou, koman ou pou fer li vin sale ankor? I pa bon ni pour later ni pour fimyen, i bon zis pour zete. Sa enn ki annan zorey pour antann, tande.”