Popular Bible Verses from Akt de Zapot 2

Share

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Zot ti konsakre bokou letan pour aprann lansennyman bann zapot. Zot ti viv ansanm, koman frer; zot ti partaz dipen, e pas letan dan lapriyer.

Zot tou, zot ti ranpli avek Lespri Sen e zot ti konmans koz dan lezot lalang, dapre ki Lespri Sen ti donn zot pouvwar.

Toutakou, ti annan en tapaz sorti dan lesyel parey en gro divan ki ti ranpli sa lakaz kot zot ti pe asiz. Zot ti war en keksoz ki ti resanble en bann lalang dife ki ti separe e apoz lo sakenn zot. Zot tou, zot ti ranpli avek Lespri Sen e zot ti konmans koz dan lezot lalang, dapre ki Lespri Sen ti donn zot pouvwar.

Tou le zour, zot ti reini regilyerman dan Tanp. Zot ti partaz dipen dan zot lakaz, manz dan lazwa, avek kontantman ek senplisite dan zot leker. Zot ti rann glwar Bondye, e tou dimoun ti annan lestim pour zot. Tou le zour, Senyer ti azout dan zot group, tou bann ki ti pe ganny sove.

La sa ki Senyer i deklare: Dan sa bann dernyen zour, mon pou repann mon Lespri lo tou bann et imen. Zot bann garson ek zot bann fiy pour profetize. Zot bann zennzan pour ganny bann vizyon. Zot bann vyeyar pour ganny bann rev.

Tou bann krwayan ti ini e zot ti met an komen tou sa ki zot ti posede. Zot ti vann zot propriyete ek tou zot byen. Zot ti distribye larzan ki zot ti gannyen parmi zot, dapre bezwen sakenn.

Alor, sa enn ki pou envok non Senyer, pou ganny sove.

Soley pou vin fernwanr, e lalin pou vin disan, avan ki zour Senyer i arive, sa zour gran e glorye.