Popular Bible Verses from Matye 2

Share

Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.

Zezi ti ne Betlehenm dan Zide, dan lepok ki Herod ti lerwa. Apre son nesans, bann savan sorti dan Les ti ariv Zerizalenm. Zot ti demande, “Oli sa lerwa bann Zwif ki fek ne? Nou'n war son zetwal dan Les, e nou'n vin ador li.”

Kan zot ti revwar sa zetwal, zot ti dan en gran kontantman.

Apre, zot ti retourn se zot par en lot semen, akoz Bondye ti'n averti zot dan en rev pour pa retourn kot Herod. Apre ki bann savan ti'n ale, en lanz Senyer ti aparet avek Zozef dan en rev. I ti dir li, “Leve! Pran sa zanfan ek son manman e sov Lezip. Reste laba, ziska ki mon donn ou lord retournen, akoz Herod pou rod sa zanfan pour fer touy li.”