Popular Bible Verses from Efezyen 5

Share

Imit Bondye! Zot ki son bann zanfan ki i kontan. Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Alor, fer byen atansyon ki mannyer zot viv. Pa viv koman bann dimoun inyoran, me koman bann ki saz. Servi byen tou bann lokazyon ki prezant devan zot, akoz sa letan ki nou pe viv ladan i move.

Pa bezwen soul zot avek diven, akoz sa pou zis antrenn zot dan en lavi dezordonnen. O kontrer, zot devre ranpli avek Lespri Sen. Ankouraz kanmarad par bann psonm, par bann kantik enspire. Sante e remersye Senyer avek tou zot leker. Lo non nou Senyer Zezi-Kri, remersye Bondye, nou Papa toultan pour tou.

Pour sa rezon, pa bezwen viv koman bann fou, me fer tou zot posib pour zot konpran koman Senyer i oule zot azir.

Zot, bann mari! Kontan zot fanm parey Kris in kontan Legliz, e in donn son lavi pour li.

Lontan zot ti viv dan fernwanr; me aprezan, zot in vin lalimyer ini avek Senyer. Alor, mars koman zanfan lalimyer

Par respe ki zot annan pour Kris, obei kanmarad.

Bann fanm! Zot devre obei zot mari, parey zot obei Senyer.

Me i osi aplik pour zot: Fodre ki sak mari i kontan son fanm parey son prop lekor e ki sak fanm i annan respe pour son mari.

Parey Lekritir i deklare: Pour sa rezon, en zonm i kit son papa ek son manman pour viv avek son fanm e tou le de zot vin en sel.

Pa asosye zot avek bann aksyon initil, ki ganny fer zis dan fernwanr. Plito, ekspoz zot dan lalimyer.