Popular Bible Verses from Kolosyen 3

Share

Siport kanmarad, e pardonnen sak fwa ki enn parmi zot i ofans kanmarad. Parey Senyer ti pardonn zot, zot osi pardonn kanmarad.

Fikse zot lespri lo bann keksoz ki dan lesyel, e non pa lo bann keksoz ki lo later.

Dan tou sa ki zot fer, fer li avek tou zot leker, konmsi zot pe travay pour Senyer, pa pour zonm.

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Mon demande ki parol Kris i reste dan zot avek tou son larises. Enstri, e averti kanmarad avek lasazes. Avek rekonesans, loue Bondye avek psonm, kantik ek sanson enspire par Lespri. Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

Pardesi tou, annan lanmour ki soud ansanm tou keksoz parfetman dan larmoni.

Par konsekan, si zot in resisite avek Kris, rod bann keksoz ki dan lesyel, kot Kris pe asize dan kote drwat Bondye.

Mon swete ki lape Kris i diriz zot leker. Annefe, se ver sa lape ki Kris in apel zot kan i ti fer zot vin en sel lekor. Montre zot touzour rekonesan.

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

Annefe, zot in mor e zot lavi i kasyet avek Kris, dan Bondye.

Me aprezan, debaras zot avek tousala: Lakoler, vyolans ek mesanste. Pa les okenn parol kalonmni ek parol obsenn sorti dan zot labous.

Pa koz manti ant zot, akoz zot in abandonn zot vye natir avek son bann move pratik. Zot in pran en nouvo natir: Natir zonm nouvo ki tou letan, Bondye son Kreater, pe renouvle dan vre konnesans pour nou resanble li parfetman.

Mari! Kontan zot fanm e pa tret zot dir.

Zanfan! Obei zot paran dan tou keksoz, akoz sa i fer plezir Senyer.

Fanm! Soumet zot avek zot mari parey fodre devan Senyer.