Popular Bible Verses from MATHI 6

Share

Hütsü mülih akhu nührünü Tsingrangba Yanglih ko abi Amüsaba yangching, ko hiri atümung nührü yo thsanung.

Hütsüeko atu nengdang tülümxü; tunüo atu tsü ajangjang lümxünung. Nyümong mükhu abükyü chongcha tsü hütsü nyümong nengdang kükyüsohng.

“Hütsünü Ihnü nührü akang linung nengdang tsuyongnung mahkhang afü nengdang müpinung tu tülümxü pü yore. Tunüo akang tsü tsuyongnung tenü awüba mahrü do? Ko afü tsü shü tenü awüba mahrü do?

Ta khode nührünü dangkhidangnangnang, kuh yonglang züdung ko kuh khangtipü nahnü münguba nührü Au te dangkhidangnang. Ko nührü Au sünü nührünü rang nguchicho nguro, abinü nührü khyang jiyünung.

Hütsüeko, nührünü hiroh-i dangkhidangnang. “‘Ninglang liba Uwa: Nü neng Amüsa hechisohng; Nü Yanglih rosohng; Ninglang roh-i limih la nü müci thsaang.

Ihrü khyang chünye dhsütah tsuyongnung khülo.

Ihrü te thsamehrü khyang ihrünü mülang pehjücho roh-i, Ihrü thsamehcho mülang pehjüng.

Ihrü athsadsü amüling yang tünü, ta amünyi lanü khümchoung.’

“Nührü te amütsa nguchirü khyang nührünü mülang pehjükhang, ninglang liba Au nüsü nührü khyang mülang pehjünung.

Uzati tsü dhing: arühnü ma müchirü, xabülung shih la müyohpürü; ta ninglang liba nührü Aunü arüh xükümre! Nührü uza tenü khütang awüba mahrü do?

“Hiba lih la palu nengdang kuthsi tüzahkeh, khüde azah ko dhrongnü tsuro, ko aführünü rohphoh führo. Hütsü mülih, ninglanglih la nührü kuthsi zahkehng, khüde azah ko dhrongnü mütsuro ko aführünü rohphoh müführe. Tunüo nü kuthsi khüde linang hütsüla nü lasih linung.

“Sünüsü abüdongrü anyüh müdikehcheh; abinü khüdu thrünyinung ko akhüu müinung; khüdu te yochonyinung ko akhüu tsü müchümükehnung. Nührünü Tsingrangba ko kuthsi anyüding müdikehcheh.

Za chünye liko atu müliba, ta la tahpehba khyang mii Tsingrangba-nü müpisohkhang, abinü nührü khyang alaa mümüpisohnung do? Nührü yudsi sümrüti!

Ta khode nührünü chongcharü tronang, nü shangrükhungnüsü hütsü mümüdhenungthsa nguching. Hütsütakhang hütsü arang nguchi thsanung. Ko nührü Au, sünü nührünü rang nguchicho nguro, abinü nührü khyang jiyünung.

“Nyitsarü khyang ngusohnung nengdang nührü amüi nguchi amülung bete nguchi tüngu. Hiri tsü nührünü misha nguchikhang, nührü Au ninglang liba chahnü jiyü tusü müngunung.

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko. Nührünü khode kongnang, nü romih müpieng ko nü thah sühng. Hütsünü du, nahtsenü münguba nührü Au chah khu aparünü nührü konglepü mümüdhenung. Ko nührü Au sünü rang nguchicho nguro, abinü nührü khyang jiyünung.