Popular Bible Verses from LUK 4

Share

“Abüdongba Nbü I chah lile, tunüo ailümrü khyang yusi atsa hironung abinü Ih müyühjü throchehcho. Arangyoh la lirü te nyüje seyohjünung ko nahtohrü trahsohnung; ko ayurü lehcheh müthehsohnung, ko Abüdongba-nü müyurüti khümchonung becho chihko pü züdesohnung abinü Ih müthehcho.”

Jisu-nü lalingcho, “Amüsa yunü yore, ‘Abüdongba nü Tsingrang mübüng ko abi du dikehng!’”

Ta Jisu-nü lalingcho, “Amüsa yunü yore, ‘Nyitsarünü hümdhse dunü akang mülicheh.’ ”

Jisu, Anbü Amüsanü jeng Jordan lanü thali rocho ko lipilih lang anbünü notsicho

Ta Jisu-nü lalingcho, “Amüsa yunü yore, ‘Abüdongba nü Tsingrang tüthsadsü.’ ”

Khode motsing tsünü lang papanü Jisu thsadsükhangcho, abinü azachah nengdang abi pehjücho.

Hütsüpü motsingnü abi notuwücho ko limih la yanglihti apüm nahsüp müthsae abi te ngusohcho. Motsing tsünü abi te yocho, “Ihnü nü khyang hiri zii ko kuthsi apüm jünung. Hiri apüm I khyang jopehko, ko Ihnü jünyürü khyang jünung kohle. Nühnü Ih mübükhang, hi atümung nüyo kangnung.” Jisu-nü lalingcho, “Amüsa yunü yore, ‘Abüdongba nü Tsingrang mübüng ko abi du dikehng!’”

Hütsüpü motsingnü abi Jerusalem lang nowücho ko amübü kumung athsengu chah pümsohcho, ko abi te yocho, “Nüh Tsingrangba Tsurü thsakhang, nü jangjangthsa hilanü tsohchoung. Tunüo amüsa yunü yore, ‘Tsingrangba-nü nüh xükümnung nengdang abi riwürüti khyang yuzeng jünung.’ ‘Ko nü jing mii lung chah mümüthinung nengdang arühnü arüh kheh la nüh wüpchonung.’” Ta Jisu-nü lalingcho, “Amüsa yunü yore, ‘Abüdongba nü Tsingrang tüthsadsü.’ ”