Popular Bible Verses from LUK 6

Share

Mihnâng koh en, erohkoba Joban memin nenâng ekohhèn. Linlin, nemejô lephang lengtu lândangroh - mênchong ekohhèn. Nema mihnâng chenroh koh eken a erohjô Joban memin nenâng ekohhèn.”

Mihnyansen ma ate hungnâng asenli heh thien lahma asenli ehongmo wênra; ngale mihnyan chhih ma ate hungnâng achhihli heh thien lahma achhih ehongmo wênra. Chenrãngma ngako hungnâng chenni mênchong tongeka arepa thunma ehong loatjab wênra.

Eroh dangmah! Neran hehnâng hun en ngale thinrãng kaamsen mokoh en; ngakchohrãng ledâlem thangma nêmthuk en. Eroh koba nema rangdong ekepen, ngale nea nyahrãng achoangthôan wah Joban chha eta dangen. Chenrãngma ngako atea dangkoh a ngama lengate heh demnâng min asen ngale mihnyan chhih heh demnâng min asen.

Ne Wa Joban mihnâng mînchente dangeka rãngrãng nemin mihnâng mînchente dangen.

“Mihnâng athe neklo en, erohkoba Joban memin nenâng athe lomahhèn; mihnâng chhih neknga en, erohkoba Joban memin nenâng achhih ngamahhèn; mihnâng mapkoh en, erohkoba Joban memin nenâng map ekohhèn.

“Phumma ngangin jêtatte hehnâng thôkoh eka: Neran hehnâng hun en, nenâng mitchekte hehrãng asenli mokoh en, nenâng têm athoakte hehnâng rangkoh en, ngale nenâng hôanjôante rãng rangsoam koh en.

Mihnâng nerãng chenroh moatthuk hun eken a, ererãngrãng nememin mihrãng eroh mokoh en.

Henma komin thhenkako mewat hènko, thhenka komin watthuk en; henma komin nekut pa mekep ako, chhemchong pemin chenkep a. Newah henma chenni komin metha hènko chentô nâng koh en, ngale nethiak pa henma komin methakep hènko, erepa nekngaktha en.

“Bãngsen pumma richhih jienhong rimah, roh akole bãngchhih pumma risen ejien hongria.

Bãng chentôpa ateriri junko ejet e; Nema suhbuk wah Phukri chohpunmet roh akole suhchebuk wah Anguri echohpun en a.