Popular Bible Verses from LUK 8

Share

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

Hüh chi kü vüpeyü hathü, jomi shah dannyüke, shejao jomi jomei lem kü kamshingkü jomphongü yangnyu mongshang, mophimo hatü yangnyu mongongmongle kü kenpai luplangtü betjük liyei neshümnyu.

Yaong shangkü vüpüthüyü mechem jomi shah danhen, mongongpai ha yahnyüke. Shejao hathü kü tünglang neyiüpü nangkü jomi kansho hük shing mon hinglemtü dokpü ngoijü vüdainyeih.

“Amphong hinglempü melei nyüpa?” shei büpai nanglomthü kü e. Jomphong nyem, hatü thamaei hüki hük mü, “Büpai vanglük hatü yung kü ngeükhüam shuohjü büpa kü banghen mü büpayü üpaang yo?” shei etei.

Lemei vüpü sheiliyü ha danpüthü; hapheikü kahshih peiyei jomei mongeipü ha shah yah-ei lüdainyüke, hanangkü jom hingnelemhen hatü neyanghen.

Mehenangkü shakei nevamhen mü meheyao joei neshiü, nevaijü nenyinghen mü hatü vangngailei nevamhen mü meheyao doujo neshiü.

Mechem hapa nyühai hei-üng joshi nenyuaok-ü shei veiaokpa, pinnyü kheüyaki heih-ei büpa touei aümei shatü nanglakthü peü nyushi pinnyüi mehekei büpa kü hongpa, hatü mekei ngangahük kü pinnyü meidaipa, ha ngaiyei eteke. Büpai pinnyü kü, “Lamei, nüng hinglempai nüng meiteke, nyiushemmei kü leituh” shei e.

Jomphong büpa touei heih-ei büpa kü phuktü, “SHEMBüPA, SHEMBüPA, jen mahdainyu khih!” shei len. Büpa paoei vanglük hatü mangpü yungmok kü loh; vanglük doh, hatü peü nendai.