Popular Bible Verses from JOHAN 21

Share

Puletao nou toulou cheyu thaisü Jisu nou Simon Pitar hi noue, “Johan nahpoutu Simon, haitao jünou nenou Eye leshi kouhimoe?” Puhnou chila peie, “Ovai Mapao, Enou neye leshie touyu sü nenou süwe.” Jisu nou puh hi paoe, “Azhaotaoye vaipei khaio.” Jisu nou puh hi lüh ahaichena noue, “Johan nahpoutu Simon, ne Eye leshiwu?” Puhnou chila peie, “Ovai, Mapao, Enou neye leshie touyu sü nenou süwe.” Jisu nou puh hi paoe, “Azhaotaoye khopei khaio.” Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

Cheche vuzünou Enou nehi paowe, nenou nahlebuki louzü nelah sahvealoua nenou taho nüyu buh hisü nenou tabaiwe; ana nenou tsüloulouzü, nenou nebah sü topalai, alia kukhe alinou neye phuloua nenou tanümoyu buh hi satalai.”

Puhnou puletao hi paoe, “Neletao vei khahbe nasü sakhao zhoulo vahi laithou khaio, alia neletao nou daotu ngaoloulai.” Südonou puletao nou laithouyu kisü, khah loupouleyu donou puletao nou khahbe nasü pai palou hore.

Simon Pitar nou kukhe taohi paoe, “Ewo khah phouta laire.” Puletao nou puh hi paoe, “Eletao-a neye koa talai.” Südonou puletao nou taloua sakhao hi louloure; ana süzhou khei hisü puletaosü halia phouloumoe.