Popular Bible Verses from SHURAI 3

Share

Südonou naotupai hai rashibe nasü ngaovei sholoure, ae rashithou sü toua touvei shore büa ngaoloure, alia haisü touloua tsüsü laiyu rashie tea zhingaoloua rashi nasü haitou loure; alia honapai nou dali hai puh chaa hia peie, alia puhnou süsü touloure.

Chuo nghou hai Ramai MAPAO nou soukhai touyu rekhaona kukhe jünou do dushoyu hrikhaona alie. Puhnou naotupai hisü paoe, “Kipei hi buyu süübetao hinou rashithou tarasou haitouso tea Ramai nou paowu?”

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

Naotupai hi puhnou paoe, “Enou neye sü panou veashoa poupfülai, alia veashoa panou nah nalai, sübüyuma nenou nechaaye jüpa bailai, ae puhnou nepei kholai.”

Hudzü pa-a dei nai hi dakhai loumo koute, ne tah tahtou-tasolai, daiolouzü neye sünanou soupeia baie. Neye sü dei nai nou soupeia baie, südonou dei nai hisü dakhai loua bailai.”

Puhnou poutu nahi paoe, “Nenou ne chapfü chi züloua Enou tousowo tea kharochi peikhai touyu rashi nasü toulouyu vanou, dei haisü neye donou chaa pfülai; ne hrümai sahsü vah soua nou toulai.

“Ne baitoua baie touyu thaonou ne hi paoe?” tea Ramai nou noue. “Tousowo tea ne hi kharochi peikhai touyu rashithou nasü ne touloure momo?”

Puhnou maiye sü hulaiwure; alia teinghi palo Eden kipei hinou ahri rashibe nasü kholoure donou Cherabim ye holo hailo heiveiyu khoche ali pokhaire.

Adam nou puh chapfü zhih sü Ef tea saloue; daiolouzü honapai hai deiphao mai hrülai vei pfüe.