Popular Bible Verses from SAM 40

Share

LALPA chu ka nghâk fan fan a, Min ngaihven a, ṭanpui ka dîlna chu a ngaithla ta. Khuarkhurum chirhdûp thûk ata min khai chhuak a, Lungpui chungah min dintîr a, Hmun nghetah chuan min awmtîr ta.

Hla thar min saktîr a, kan Pathian fakna hla chu, Mi tam takin an hmu ang a, an hlau vang a, LALPA chu an ring ang.

Mi nihlawhte chu LALPA ringtute hi an ni, Milem be duh lova, Pathian lem lam Hawi duh ngai lote chu.

Aw ka Pathian, i duhzâwng tih ka va châk êm! I dânte chu ka thinlungah a châm reng ṭhîn a ni.

LALPA, i lainatna ka tân ui suh, I ngilneihna leh i rinawmna chuan min hualhim fo vang che.