Popular Bible Verses from SAM 34

Share

Thinlung taka lungchhiate chu LALPAN a hnaih ṭhîn a, Rilru taka inchhîrte chu a chhandam ṭhîn.

LALPA chu ka zawng a, min lo chhâng a, Ka hlauh zawng zawng lakah min chhan chhuak ta.

Mi dik chuan thil ṭha lo tam tak a tuar ṭhîn a, Mahse, chûng zawng zawng ata chu LALPAN a chhan chhuak ṭhîn.

LALPA ṭhatzia hi tem chhin ula, Han hre chiang teh rêng u. LALPA hnêna tlulûtte chu an nihlawh e.

Amah an han en a, an hmêl a hlim ta a, An zak ngai tawh lo vang.

Mi dikte chuan LALPA an au va, anin a lo hria a, An manganna zawng zawngah a chhan chhuak a.

Vântirhkohte chuan LALPA ṭihtute chu An hual tlat a, an humhim ṭhîn.

Sual hawisan la, thil ṭha ti rawh, Remna zawng la, ûm zêl ang che.

Sual lakah chuan a lei vêng ṭha sela, Bumna thu sawi lo tûrin fîmkhur rawh se.

Mi dikte chu LALPAN a en reng a, Ṭanpui dîla an au a ngaithla ṭhîn.

LALPA chu min chawimawipui ula, A hming i tiropui ang u.