Popular Bible Verses from MARKA 13

Share

Keima hming avângin mi tam takin an hua ang che u a; nimahsela, a tâwp thlenga chhel taka tuar peih apiang, chûng mite ngei chu chhandam an ni ang.

Fîmkhur ula, inring reng rawh u, chumi hun chu in hre si lo.

An man che u a, in chungthu rêl tûra an hlan hun che u chuan in sawi tûr enghelh lâwk suh ang che u, chumi huna lo lang apiang chu in sawi mai dâwn nia, a sawitu chu nangni in ni dâwn si lo, Thlarau Thianghlim a ni zâwk dâwn si a.

Lei leh vân a ral ang a, ka thu erawh chu a ral tawp lo vang.

“Nimahsela, chûng thil lo thlen hun tûr, ni leh dâr chu; Pa chauh lo chuan tu man an hre lo, vâna vântirhkohte pawhin, Fapa pawhin an hre lo.

Indo ri te, indo chanchinte in hriat hunah pawh thlaphâng suh ang che u, chûng chu lo thleng tûr rêng a ni; hun tawp erawh zawng a ni rih lo ve.

Chuvângin, inring reng rawh u. In neitupa hâwn hun tûr chu tlai lamah nge, zânlaiah nge, âr khuanah nge, kâwl ênah nge tih in hre si lo; a lo haw thut mai zawngin muhîlin a rawn hmu hlauh dah ang che u. Tichuan, in hnêna sawi hi mi zawng zawng tâna sawi ka ni, inring reng rawh u,” a ti a.

Hnam hrang leh hnam hrang an indo vang a, sawrkâr leh sawrkâr an indo vang, hmun hrang hrangah lîr a nghîng ang a, ṭâm a la tla ang. Chûng chu nau vei a inṭan ta tihna a ni.

Chanchin Ṭha hi hnam zawng zawng hnênah hril hmasak ngei tûr a ni si a.

Ka hming chhâlin, ‘Keimah hi ka ni,’ tiin mi tam tak an lo chhuak ang a, mi an hruai bo ṭeuh vang.

“Nangni zawng inring rawh u; Sunagog-ahte leh a rorêltute hnênah an hlân ang che ua, an vua ang che u, keimah avângin hotute leh lalte hmaah, ka thu an hriat theih nân, an dintîr ang che u.

Krista der leh zâwlnei derte an lo chhuak dâwn si a, thei ang sela thlante meuh pawh hruai bo tûrin chhinchhiahna leh thil makte an ti ang.

“Chûng hun hrehawm chu a liam hun chuan ni a thim ang a, thla a êng hek lo vang a, vân aṭangin arsite a tla ang a, vâna thiltihtheihnate chu tihnghîn a ni ang.