Popular Bible Verses from MATHAIA 7

Share

“Dîl ula, pêk in ni ang; zawng ula, in hmu ang; kik ula, hawnsak in ni ang.

A dîl apiangin an dawng ṭhîn a, a zawng apiangin an hmu bawk ṭhîn; tu pawh a kik chu an hawnsak dâwn a ni.

“Chutichuan, hêng ka thu hi hriaa, zâwm apiang chu mi fing, lungpui chunga in satu nên tehkhin tûr a ni.

“Chutichuan, thil eng pawh miin in chunga an tih in duh tûr ang apiang chu, mi chungah pawh ti ve rawh u; chu chu Dân leh zâwlneite thu a ni rêng si a.

Nunna kawngka erawh chu a zîm a, a kawng pawh a chêp a, a hmutute pawh tlêm tê an ni.

“Kawngka zîmah chuan lût rawh u, boralna kawngka chu a zau va, a kawng pawh a nuam a, chumi lama kalte chu tam tak an ni.

Chutichuan, nangni mi sual mahin in fate thil ṭha pêk nachâng in hriat chuan in Pa vâna mi chuan a dîltute chu thil ṭha a va pe dâwn êm!

“Sawisêl suh u, sawisêla in awm loh nân. In sawisêlna ang bawkin sawisêl in ni ang a, in tehna ngeiin an tehsak ang che u.

Hêng ka thu hi hriaa zâwm si lote erawh chu mi â ṭiauvut chung maia in satu nên tehkhin tûr a ni.

Engtizia nge mahni mita thingtum awm chu hre si lovin in unau mita thil tê tak tê awm chu in hmuh ni? A nih leh, engtin nge mahni mita thingtum awm reng siin i unau hnênah, ‘I mita thil tê tak tê awm kha mi lâk chhuahtîr rawh,’ i tih theih ang?

“Zâwlnei derte lakah fîmkhur rawh u, chûng chu berâm vun sinin in hnênah an lo kal ṭhîn; an chhûng lamah erawh chuan chinghne koham tak an ni si a. Anni chu an rahah in hre mai ang. Hlîngbukah grep an lo ngai em ni? Lênhlîngah theipui an lo ngai em ni?

Thing ṭha chu a rah ṭha ṭhîn a, thing chhia chu a rah chhe ṭhîn.

Thing ṭha a rah chhe thei lo va, thing chhia lah a rah ṭha thei hek lo.

Thing tin rah ṭhaa rah lo apiang chu an kit a, meiah an tuah ṭhîn.