Popular Bible Verses from MATHAIA 5

Share

Miin an khâwnvâr chhit chu khovin an khuh ngai lo, a dahnaah an dah zâwk ṭhîn; tichuan, in chhûnga mi zawng zawng a ên ṭhîn. Chutiang bawkin in êng chu mi hmuhin êng rawh se; chutichuan, in thil ṭha tihte an hmu ang a, in Pa vâna mi an chawimawi thei ang.

“Khawvêl êng in ni e. Tlângchhîpa khaw awm chu thuhrûk theih a ni lo.

“Thinlunga thianghlimte chu an chan a ṭha e, Pathian an la hmu dâwn si a.

“Felna duha rilṭâma tuihâlte chu an chan a ṭha e, an la tlai dâwn si a.

Kei erawh chuan ka hrilh a che u: i hmêlmate chu hmangaih la, a tiduhdahtu che chu ṭawngṭaisak rawh

“Thlarau lama an pachhiatzia inhriate chu an chan a ṭha e, vânram chu an ta a ni si a.

“Remna siamtute chu an chan a ṭha e, Pathian fate tih an la ni dâwn si a.

“Lungngaite chu an chan a ṭha e, thlamuan an la ni dâwn si a.

“Felna avânga tihduhdah tuartute chu an chan a ṭha e, vânram chu an ta a ni si a.

“Khawngaihna nei mite chu an chan a ṭha e, khawngaih an la hlawh dâwn si a.

“Keimah avânga miin an hau che ua, an tihduhdah che u a, dik lo taka sual tinrêng tia an puh hun che u chuan in chan a va ṭha dâwn êm! Lâwm ula, hlim takin awm rawh u, vânah in lâwmman a awm hnem si a; chutiang bawkin in hmaa zâwlneite pawh kha an tiduhdah ṭhîn asin.

“Thuhnuairawlhte chu an chan a ṭha e, ram chu an la rochung dâwn si a.

“Lei chi in ni e; nimahsela, chi hi da ta ang se, engtia tihal leh tûr nge ni ang? Paih chhuaha, mite rah mai mai chauhvah lo chuan eng atân mah a tlâktlai tawh lo vang.

Chutichuan, in Pa vâna mi a ṭha famkim angin in ṭha famkim tûr a ni.

In thu sawi chu ‘ni,’ emaw, ‘ni lo,’ emaw ni ngawt rawh se, chûng aliam chu sual laka chhuak a ni.

“ ‘Mit aiah mit, ha aiah ha,’ tih a nih in hria a. Kei erawh chuan ka hrilh a che u; mi sual dodâl suh u; i biang ding lam bêngtu hnênah chuan a lehlam pawh dawh rawh.

I mit ding lamin a tihtlûk che chuan kher chhuak la, paih daih rawh; i taksa a puma hremhmuna paih a nih ai chuan, i taksa pêng pakhat boral chu i tân a ṭha zâwk e. Tin, i kut ding lamin a tihtlûk che chuan, tan la, paih daih rawh; i taksa a puma hremhmuna paih a nih ai chuan, i taksa pêng pakhat boral chu i tân a ṭha zâwk e.